యుఎస్ ఓపెన్ (టెన్నిస్)
From Wikipedia, the free encyclopedia
యుఎస్ ఓపెన్ టెన్నిస్ ఛాంపియన్షిప్స్ (సాధారణంగా యుఎస్ ఓపెన్ అని అంటారు) న్యూయార్క్లోని క్వీన్స్లో ప్రతి సంవత్సరం జరిగే హార్డ్కోర్ట్ టెన్నిస్ టోర్నమెంటు. 1987 నుండి, యుఎస్ ఓపెన్, గ్రాండ్ స్లామ్ టోర్నమెంటులలో కాలక్రమానుసారం సంవత్సరంలో జరిగే నాల్గవది, చివరిది. మిగిలిన మూడు, కాలక్రమానుసారం, ఆస్ట్రేలియన్ ఓపెన్, ఫ్రెంచ్ ఓపెన్, వింబుల్డన్ లు. యుఎస్ ఓపెన్ ఆగస్టు చివరి సోమవారం నాడు ప్రారంభమై రెండు వారాల పాటు కొనసాగుతుంది. మధ్య వారాంతం యుఎస్ లేబర్ డే సెలవుదినం ఉంటుంది. ఈ టోర్నమెంటు, ప్రపంచంలోని పురాతన టెన్నిస్ ఛాంపియన్షిప్లలో ఒకటి. దీనిని వాస్తవానికి యుఎస్ నేషనల్ ఛాంపియన్షిప్ అని పిలుస్తారు, దీని కోసం పురుషుల సింగిల్స్, పురుషుల డబుల్స్ను మొదట 1881 ఆగస్టులో ఆడారు. మొదటి, రెండవ ప్రపంచ యుద్ధాల కారణంగా రద్దు చేయని లేదా 2020లో COVID-19 మహమ్మారి వలన అంతరాయం కలగని ఏకైక గ్రాండ్ స్లామ్ ఇది.
ప్రారంభం | 1881; 143 సంవత్సరాల క్రితం (1881) |
---|---|
ఎడిషన్లు | 143 (2023) |
స్థలం | న్యూ యార్క్ అమెరికా |
వేదిక | USTA బిల్లీ జీన్ కింగ్ నేషనల్ సెంటర్ (1978 నుండి) |
నేల | హార్డ్ కోట్ – ఔట్డోర్[lower-alpha 1][lower-alpha 2] (since 1978) Clay – outdoors (1975–1977) Grass – outdoors (1881–1974) |
బహుమాన ధనం | US$65,000,020 (2023)[1] |
డ్రా | S (128Q) / 64D (16Q)[lower-alpha 3] |
ప్రస్తుత ఛాంపియన్లు | నోవక్ జకోవిచ్ (సింగిల్స్) రాజీవ్ రామ్ జో శాలిస్బరీ (డబుల్స్) |
అత్యధిక సింగిల్స్ టైటిళ్ళు | 7 బిల్ టిల్డెన్ |
అత్యధిక డబుల్స్ టైటిళ్ళు | 6 మైక్ బ్రయాన్ |
డ్రా | S (128Q) / 64D (16Q) |
ప్రస్తుత ఛాంపియన్లు | కోకో గాఫ్ (సింగిల్స్) గాబ్రియెలా డబ్రోవ్స్కీ ఎరిన్ రూట్లిఫ్ (డబుల్స్) |
అత్యధిక సింగిల్స్ టైటిళ్ళు | 8 మోలా మాలెరీ |
అత్యధిక డబుల్స్ టైటిళ్ళు | 13 మార్గరెట్ ఆస్బోర్న్ డుపోంట్ |
డ్రా | 32 |
ప్రస్తుత ఛాంపియన్లు | అన్నా డానిలీనా హారీ హీలియోవారా |
అత్యధిక టైటిళ్ళు (పురుషులు) | 4 బిల్ టిల్డెన్ బిల్ టాల్బర్ట్ బాబ్ బ్రయాన్ |
అత్యధిక టైటిళ్ళు (స్త్రీలు) | 9 మార్గరెట్ ఆస్బోర్న్ డుపోంట్ |
2023 |
టోర్నమెంటులో ఐదు ప్రాథమిక ఛాంపియన్షిప్లు ఉన్నాయి: పురుషుల, మహిళల సింగిల్స్, పురుషులు, మహిళల డబుల్స్, మిక్స్డ్ డబుల్స్. టోర్నమెంటులో సీనియర్, జూనియర్, వీల్ చైర్ ప్లేయర్ల ఈవెంట్లు కూడా ఉన్నాయి. 1978 నుండి, టోర్నమెంటును న్యూయార్క్ నగరంలో క్వీన్స్ లో ఉన్న ఫ్లషింగ్ మెడోస్-కరోనా పార్క్ లోని USTA బిల్లీ జీన్ కింగ్ నేషనల్ టెన్నిస్ సెంటర్లో యాక్రిలిక్ హార్డ్కోర్ట్ల మీద నిర్వహిస్తారు. యుఎస్ ఓపెన్ను, లాభాపేక్షలేని సంస్థ అయిన యునైటెడ్ స్టేట్స్ టెన్నిస్ అసోసియేషన్ (USTA) నిర్వహిస్తుంది. యుఎస్ ఓపెన్ చైర్పర్సన్ పాట్రిక్ గాల్బ్రైత్. టిక్కెట్ల విక్రయాలు, స్పాన్సర్షిప్లు, టెలివిజన్ కాంట్రాక్టుల ద్వారా వచ్చే ఆదాయాన్ని యునైటెడ్ స్టేట్స్లో టెన్నిస్ను అభివృద్ధి చేయడానికి ఉపయోగిస్తారు.
ఈ టోర్నమెంటు, 1971 నుండి 2021 వరకు, సింగిల్స్ మ్యాచ్లోని ప్రతి సెట్ లోనూ ప్రామాణిక టైబ్రేకర్లను (ఏడు పాయింట్లు రావాలి, తేడాతో రెండు ఉండాలి) ఉపయోగిస్తూ వచ్చింది.[2] 2022 నుండి, చివరి సెట్లో కొత్త టైబ్రేక్ నియమాలు చేర్చారు. మ్యాచ్ చివరి సెట్లో (మహిళలకు మూడవది, పురుషులకు ఐదవది) స్కోరు ఆరు-ఆరు వద్ద ఉన్నపుడు, పొడిగించిన టైబ్రేకర్ (గెలుపొందేందుకు పది పాయింట్లు రావాలి, రెండు పాయింట్ల ఆధిక్యం ఉండాలి) ఆడుతున్నారు.