ایئربس اے380
ایئربس کا تیارکردہ دو منزلہ طیارہ / From Wikipedia, the free encyclopedia
ایئربس اے 380 ایک دو منزلہ، وسیع ڈھانچا، چار انجنوں والا جٹ مسافر بردار طیارہ ہے۔ جو یورپی طیارہ ساز کمپنی ایئربس نے تیار کیا ہے۔ یہ اب تک کا دنیا کا سب سے بڑا مسافر بردار طیارہ ہے اور جن ہوائی ادوں پر اس سے آمد و وفت ہونی ہوتی ہے، ان کو اس کے حساب سے رن وے کی تجدید کرنی لوتی ہے۔ ابتدائی طور پر اسے Airbus A3XX کا نام دیا گیا تھا اور بڑے طیارے کے بازار میں بوئنگ کے انحصار کو چیلنج کرنے کے لیے تیار گیا تھا۔ اس طیارے نے اپنی پہلی پرواز 27 اپریل 2005ء کو اور پہلی تجارتی پرواز سنگاپور ایئر لائنز سے 25 اکتوبر 2007ء کو کی۔ اس کا نظر ثانی نمونہ، اے380پلس کے نام سے تیاری کے مراحل میں ہے۔
| ||||
---|---|---|---|---|
نوع | دومنزلہ طیارہ | |||
صانع | ایئربس (2007–2021) | |||
انجن | ||||
کل پیداوار | ||||
معلومات | ||||
آغاز خدمات | 25 اکتوبر 2007 | |||
پہلی پرواز | 27 اپریل 2005 | |||
صارفین | ایئر فرانس (20 نومبر 2009–مئی 2020) تھائی ائیرویز انٹرنیشنل (6 اکتوبر 2012–فروری 2021) سنگاپور ایئر لائنز (25 اکتوبر 2007–) قطر ائیرویز (10 اکتوبر 2014–) قنطاس ائیرویز (20 اکتوبر 2008–) ملیشیا ائیرلائنز (1 جولائی 2012–اکتوبر 2022) لوفتھانزا (6 جون 2010–) کوریا ایئر (17 جون 2011–) اتحاد ائیر ویز (27 دسمبر 2014–) امارات (1 اگست 2008–) چائنا ساؤدرن ائیرلائنز (17 اکتوبر 2011–نومبر 2022) برٹش ائیرویز (2 اگست 2013–) آسیانہ ایئر لائنز (13 جون 2014–) آل نیپون ائیر ویز (24 مئی 2019–) | |||
لمبائی | ||||
بلندی | ||||
پروں کا دائرۂ کار | ||||
حد | ||||
درستی - ترمیم |
اے380 کی اوپری منزل پورے ہوائی جہاز کے ڈھانچا یا پیٹ پر مشتمل ہے، بالکل ایک چوڑے طیارے کے مطابق۔ دوسروی منزل اے380-800 کو ایک وسیع کیبن 550 مربع میٹر (5،920 مربع فٹ) جتنی خالی جگہ مہیا کرتا ہے، جو بوئنگ 747-8[1] سے 40% بڑا ہے، بوئنگ کا یہ مسافر بردار طیارہ دوسرا بزا کیبن رکھنے والا طیارہ ہے[2] اور 525 افراد کو لے مخصوص تین درجوں میں لے جانے کی صلاحیت رکھتا ہے اور کفایت شعارانہ انتظام (اکانومی کلاس) کے تحت ایک وقت میں 853 افراد بیٹھ سکتے ہیں۔ اے380-800 کو 8،500 جہازی میل (15،700 کلومیٹر) حد کے مطابق بنایا گیا ہے۔ اے380 دنیا کی دوسری اور چوتھی طویل ترین بغیر رکے پرواز کی خدمات سر انجام رے رہا ہے (نومبر 2017ء تک)۔ مزید یہ کہ اس کی کروزنگ رفتار 0.85 ماک ہے۔
مارچ 2018ء تک ایئر بس کو 331 طیاروں کا آرڈر مل چکا ہے جس میں سے 223 تیار ہو کر متعلقہ ہوائی کمپنیوں کو دیے جا چکے ہیں، امارات سب سے بڑا خریدار ہے جو 162 طیاروں کا آرڈر دے جکا ہے جن میں سے 102 امارات ایئر لائن کو مل چکے ہیں اور خدمات سر انجام دے رہے ہیں۔[3]