Utensa:Ciaurlec/Sabionara1
From Wikipedia, the free encyclopedia
Su ste tabełe ghe xe tuti i nomi indicai da ła OHI (Organisasion Idrografega Internasional) (varda qua), go anca zontà cheli idronimi rełativi speci de aqua de estension analoga. Un ocio de riguardo xe sta utiłixà par tuti i idronimi de i mari tra Eoropa, Axia e Africa (Mar Mediteraneo, Mar de Marmara, Mar Negro, Mar de Azof), indove se ga indicà anca idronimi pi picenini. Se ga indicà i nomi de ancuo, visto che 'ntel tempo ghe xe tanti nomi che i xe cambiai (p.e. Ponto Euxin->Mar Negro), altri che li ga cambià estenxion (Golfo de Venexia), altri 'ncora i xe proprio desparii da l'uso(Mar de Barbaria). Par sto problema in futuro bisognarà crear i "redirect" oportuni. łe mape antighe (fin al XIX sec.), sia chełe stampae a Venexia, che chełe stamape da cartografi veneti in altre sità, łe xe de solito stae scrite in łatin, Italian, Fransexe o Inglexe; saria donca da valutar quali de cheli toponimi i ghe jera xa in veneto, e quali che no li gaveva nisuna difuxion.
Riguardo a łe tabełe qua soto, che łe xe divixe par Osèano:
- 'nteła prima colona ghe xe el basin pi importante, serve par farse un idea de ła posixion de i corpi de aqua.
- 'nteła seconda colona ghe xe un rimando a ła pajina pi completa 'ntełe varie wiki, megio se in una łengoa difusa (inglexe, franxese, todesco, spañolo, ruso...)
- 'nteła tersa colona ghe xe ła trascrision IPA, o ła grafia usada in'teła łengua del posto
- 'nteła quarta ła proposta de voxe
- 'nteła quinta altre proposte o ła pajina za existente 'nteła wiki-vec, (anca se solo riferia al toponimo).
Tra i vari testi go consultà AA.VV. "Atlante enciclopedico touring", Toring Club Italiano, Milano 1986. AA.VV. "Nuovo Atlante geografico metodico", Istituto De Agostini, Novara 1981. R. Riccardi "Atlante universale Curcio", Curcio, Roma 1962. 'Ntel indexe se pol catar ła pronunsia de un mucio de nomi giografeghi.