Bahreyn
From Wikipedia, the free encyclopedia
Bahreyn, officieel 't Keunienkryk Bahreyn (Arabisch: مملكة البحرين Mamlakat al-Bahrayn), is een eylandstoatje in de Perzische Golf. 't Is een archipel geleegn vo de kust van Saoedi-Arabië met 33 eylandjes woavan 't grotste 55 km lank is en 18 km brêed. In 't zuudôostn ligt 't schiereyland Qatar. 200 km an den overkant van de Golf ligt Iran. Bahreyn het e belangryke economische en financiële posiesje binn d' olieweireld.
Keunienkryk Bahreyn مملكة البحرين | |
---|---|
Liggienge van Bahreyn in de Perzische Golf | |
Officiële toale | Arabisch |
Hoofdstad | Manama |
Stoatsvorm | Constitutionele monarchie |
Stoatshoofd | Keunienk: Hamad bin Isa Al Khalifa |
Êerste minister | Khalifa bin Salman Al Khalifa |
Ippervlak | 758 km² |
Inweuners | 1.281.332 (2013) 1.690,4 inw./km² |
Munte | Bahreynse dinar (BHD) |
Tydzone | UTC+3 |
Landcode | BH, BHR |
Telefongcode | 973 |
Internet-TLD | .bh |
Nationale fêestdag | 16 december |
De noame Bahreyn wil letterlyk zeggn twei zêen in 't Arabisch. Bahreyn kwam de 16stn december 1971 ounofhankelyk van 't Verênigd Keunienkryk. 't Land makt dêel uut van d' Arabische Liga.
De stad Manama is sinds 1932 d' hoofdstad. Doavôorn was da Riffa (toet 1869) en Muharraq (1869-1932). Andere grôte steedn zyn Madinat Hamad en A'ali.