Odiel Defraeye
From Wikipedia, the free encyclopedia
Odiel Defraeye (ook geschreevn: Odile Defraye) (Rumbeke, 14 juli 1888 - Bierges (Woals-Brabant), 20 ogustus 1965) was e West-Vlamsche coureur.
Zyn êeste succes was in 1908, ost ie de Roende van Vloandern vor amateurs won. In 1911 kwam Defraeye Belgisch kampioen ip de boane en in 1912 wont ie de Roende van België. In da joar wast ie ook den êestn Belg die de Tour de France gewonn èt.
In 1924 ist ie gestopt mè koersn en èt ie e café gekocht in Rumbeke, woa dat er loater e velodrome bykwam.
In 2006 ist er e stroate in Rumbeke nor hem vernoemd en in 2012 ist er e monument vor hem ipgericht ip de Kerkplatse. In 't Wielermuseum van Roeseloare ist er e zoale mè zyn noame.