內伶仃
From Wikipedia, the free encyclopedia
內伶仃,亦都叫內伶仃島,原本就咁叫伶仃島、伶仃、零丁山等,係伶仃洋上面一個島。佢響香港屯門爛角嘴西便,深圳赤灣同蛇口東南。個島歸深圳南山蛇口管[1][2],不過曾經同珠海有爭議。[3]史上內仱仃係去廣州嘅水道,內伶仃、爛角嘴同埋后海灣洋面係船聚集嘅地方。內伶仃向面行,穿過伶仃洋就遇到另一個島,係珠海嘅淇澳。史上個島歸屯門鎮管,所以文獻上嘅屯門島,有可能指內伶仃。
屈大均係《廣東新語》度提過,赤灣附近零零丁丁有個山(島),所以叫零丁山,所以連海都叫做零丁洋。零丁山將零丁洋分兩邊,東面係內則,比較細,叫小零丁洋,而西便係外則,比較大,叫大零丁洋。小零丁洋即係香港新界到內伶仃嘅洋面,而大零丁洋即係內伶仃到淇澳嘅洋面。[4]