埠
起喺港灣、畀船停泊嘅設施 / From Wikipedia, the free encyclopedia
埠(粵拼:bou6*2(白讀),fau6(文讀);俗寫埗)、埠頭(bou6 tau4*2),係畀船停泊嘅地方,又叫碼頭(maa5 tau4)。埠本義船上落客貨之處,後來意思擴展成綜合而言嘅埠,成個地方可以好幾個泊位。啲埠一般起喺港灣,可以畀乘客上落船,亦可以畀貨物出入貨或者裝卸處理。
埠並不單單只有上落之處,碼頭邊亦有平地,夠位放住貨同行李,以及畀人停留。一般來講,有順岸碼頭,平地後有貨倉,以便出入貨。客運有梯級上落。埠並不單只有順岸碼頭,有時會有打直伸入水嘅樁柱碼頭,如橋,可以放多幾個泊位。