Arnold Schönberg
ööstriichische Komponist und Muusigtheoretiker / From Wikipedia, the free encyclopedia
Dr Arnold Schönberg (* 13. Septämber 1874 z Wien; † 13. Juli 1951 z Los Angeles) isch en ööstriichische Komponist, Muusigtheoretiker, Komposizionsleerer, Mooler, Dichter und Erfinder gsi, wo us ere Wiener jüdische Familie gstammt het, 1933 in die Veräinigte Staate usgwanderet isch und 1941 die amerikanischi Staatsbürgerschaft aagnoo het. Vo denn aa het er si Naame Arnold Schoenberg gschriibe.
Dr Schönberg isch äine vo de iiflussriichste Komponiste vom früeje 20. Joorhundert gsi und e zentrali Figur in dr Entwigglig zur Atonalidäät. Sälber het er d Dur-Moll-Donalidäät schi zwüsche 1906 und 1909 ufgee. Er het gliichzitig wie dr Josef Matthias Hauer, wo weniger bekannt worde isch, d Zwölfdoontechnik entwigglet. Die Komposizionstechnik isch spööter zur serielle Muusig witerentwigglet worde und isch von e Hufe Komponiste vo dr Nöije Muusig ufgriffe worde.