Erklärig vo de Mensche- und Bürgerrächt
From Wikipedia, the free encyclopedia
D Erklärig vo de Mensche- und Bürgerrächt (Déclaration des Droits de l'Homme et du Citoyen) isch ein vo de Grundtext, mit welem am 26. August 1789 d Demokratii und d Freiheit z Frankriich begründet worde si. 1793 isch ä zweiti, längeri Fassig gschriibe worde.
D Verfasser vo dr Erklärig vo 1789, beiiflusst vo dr Ufklärig und vo dr Doktrine vo de natürlige Rächt, hai scho denn kei Rücksicht gnoh uf dr Stand, won ä Mensch drzue ghört, sondern hai Rächt definiert, wo universell und für alli gliich si. Vili vo dene Ideä hai sich über ganz Europa verbreitet.