Franz Josef Strauß
ditsche Bolitiker / From Wikipedia, the free encyclopedia
Dr Franz Josef Strauß (* 6. Septämber 1915 z München; † 3. Oktober 1988 z Regensburg) isch e dytsche Bolitiker (CSU) gsii.
Dr Strauß isch vu 1953 as Bundesminischter fir bsunderi Ufgabe Mitglid vu dr Bundesregierig gsii, vu 1955 bis 1956 as Bundesminischter fir Atomfroge, vu 1956 bis 1962 as Bundesminischter vu dr Verdaidigung un vu 1966 bis 1969 as Bundesminischter vu dr Finanze. Vu 1978 bis 1988 isch er Bayrische Minischterbresidänt gsii. Bi dr Bundestagswahl 1980 isch er as Chanzlerkandidat vu dr Union geg dr amtierend Bundeschanzler Helmut Schmidt (SPD) aadrätte, het aber kai Meehait im Bundesdag gwunne. Vu 1961 bis zue sym Dod isch er Vorsitzer vu syre Bartei gsii.
Am 4. Juni 1957 het dr Strauß d Marianne Zwicknagl (1930–1984) ghyrote. Us däre Eh sin d Sihn Max (* 24. Mai 1959) un Franz Georg (* 5. Mai 1961) un d Dochter Monika (* 2. Juli 1962) firigange. Noch em Dod vu syre Frau isch dr Strauß ab em Summer 1986 bis zue sym Dod mit dr Renate Piller verlobt gsii.