Gaston Paris
From Wikipedia, the free encyclopedia
Dr Bruno Paulin Gaston Paris (* 9. Augschte 1839 z Avenay-Val-d’Or im Departemänt Marne; † 5. März 1903 z Cannes) isch e französische Sproochwüsseschaftler gsi.
Er isch dr Soon vom Dichter und Filoloog Paulin Paris gsi. Z Bonn het er Romanischi Filology studiert, und a dr Archivschuel Ecole des Chartes z Paris het er 1862 für syni Arbet Étude sur le rôle de l'accent latin dans la langue française s Archivischtediplom überchoo. 1872 isch er Profässer am Collège de France z Paris woorde.
Dr Paris het sech psunders mit dr französische Literatur usem Mittelalter beschäftiget; uf iin goot dr Uustruck Höfischi Liebi zrugg; er het en ane 1883 prägt. Mit em Schwiizer Romanischt Adolf Tobler, wo a dr Uni Züri gsi isch, het er zämegschaffet. Er isch dr Gründer vo dr Fachzytschrift Revue critique d'histoire et de littérature und het 1872 au ghulfe d Romanistikzytschrift Romania uf d Bäi stelle.
Er het em Louis Gauchat ghulfe bi dr Plaanig vom Wälschsschwiizer Dialäktwörterbuech Glossaire des patois de la Suisse romande.