Großlandschaft Sudan
From Wikipedia, the free encyclopedia
D Großlandschaft Sudan (arabisch بلاد السودان Bilād as-Sūdān ‚Länder vu dr Schwarze‘) lyt z Nordafrika sidli vu dr Sahara. Si goht bis an d Rägewaldzone vu dr Guineakischte un vum Kongobecki. S kulturgeografisch Biet goht vu dr nordafrikanische Atlantikkischte iber e Strecki vu rund 5500 Kilometer bis zum ethiopische Hochland im Oschte. Chännzaiche isch dr Ibergang zwische Druckezone un Rägewald mit dr Vegetationsform Savanne. Dr nerdli Straife vu dr Sudanregion wird vu dr Ibergangszone vu dr Druckewieschti un dr Savanne bildet un klimageografisch Sahelzone gnännt.
Di zmaischt bielig Großlandschaft Sudan wird vu Bärgzig in drei Beckine glideret:
- im Weschte s Weschtsaharisch Becki, wu vum Oberlauf vum Niger un em Senegal entwässeret wird,
- in dr Mitte s abflusslos Tschadbecki mit em Logone
- un im Oschte s Becki vum Wysse Nil.