Ionisches Meer
From Wikipedia, the free encyclopedia
S Ionische Meer (noigriech. Ιόνιο Πέλαγος, Iónio Pélagos Zwiebelfisch 399-Ι-Grek 3CC-ό-Grek 3BD-ν-Grek 3B9-ι-Grek 3BF-ο-Grek 20 3A0-Π-Grek 3AD-έ-Grek 3BB-λ-Grek 3B1-α-Grek 3B3-γ-Grek 3BF-ο-Grek 3C2-ς-Grek 2C 20 27 27 49-I-Latn F3-ó-Latn 6E-n-Latn 69-i-Latn 6F-o-Latn 20 50-P-Latn E9-é-Latn 6C-l-Latn 61-a-Latn 67-g-Latn 6F-o-Latn 73-s-Latn 27 27, italienisch Mar Ionio, albanisch Deti Jon) isch e Tailmeer vom Mittelmeer. S grenzt im Weste a Italie, mit Nordoste a Albanie und im Ooste a Griecheland. Im Ionische Meer litt s Kalypsotüüff, wo de tüüfsti Punkt vom ganze Mittelmeer isch.
S Ionische Meer grenzt im Norde a d Adria. Im Süüde grenzts as Libysche Meer, wobii d Grenze verschide definert wered. Traditionell wer d Grenzlini zwöschet em südöstliche Spitz vo Sizilie, em Capo Passero, und em nordwestliche Spitz vo Kreta zoge, und vo dai as Vorpirg Malea, wo de südöstlichi Spitz vo de Peloponnes isch, so ass s Ionische Meer im Südoste a d Ägäis grenzt. Di moderneri Grenzlini werd vom Capo Passero zom Vorpirg Tenaro am mittlere Süüdspitz vo de Mani zoge, so ass de Lakonischi Golf nöd zom Ionische, sondern zom Libysche Meer ghört. Mitem Tyrrhenische Meer isches mit de Strooss vo Messina verbunde. D Meerengi vo Rhion verbindet s Ionische Meer mitem Korinthische Golf, wone Sittearm vom Ionische Meer isch.
De Tarentinischi Golf isch de gröösti Golf vom Ionische Meer, im Oste litt de Golf vo Patras und im Süüdooste de Messenischi Golf und de Lakonischi Golf. Entlang vo de griechische Chüste sind di Ionische Insle, vo dene sind Korfu, Kefallonia und Zakynthos die grööste. Im Süüdoste litt Kythira.