Liste vo de Nobelbriisdreger für Liddratur
From Wikipedia, the free encyclopedia
Der Nobelbriis für Liddratur wird sit 1901 jöhrlig vergee und isch sit 2001 mit öbbe 10 Millione schwedische Chroone dotiert. Für d Uswahl vo de Briisdreeger isch die Schwedischi Akademii verantwortlig. Dr Alfred Nobel, der Stifter vo de fümf verschiidene Nobelbriis, het in sim Testamänt verfüegt, ass der Briisdreeger für Liddratur «s Beste in ere idealistische Richtig» söll gschriibe ha.[1] D Uszeichnig wird jedes Johr am 10. Dezämber, em Dodesdag vom Alfred Nobel, vom schwedische König vergee.
Sit der erste Verleihig hai im Ganze 106 Schriftsteller dr Liddratur-Nobelbriis übercho. Drunder si 94 Manne (87,9 %) und 13 Fraue (12,1 %) gsi. Bis jetzt het no niemer dr Liddraturnobelbriis meh as eimol übercho. Vo 1901 bis 2009 isch der Briis 98 mol undeilt an ei Person vergee worde. Erst viermol isch der Briis zwüsche zwei Persone ufdeilt worde (zletzt 1974); und no nie isch er zwüsche drei Persone ufdeilt worde, au wenn das dr Satzig nooch möglig wer. Siibemol isch der Briis nit vergee worde, zletzt 1943.