Ludwig I. von Württemberg
From Wikipedia, the free encyclopedia
Dr Ludwig I. (* um 1119; † 1158) isch vu 1143 bis 1158 Grof vu Wirttebärg gsii.
Dialäkt: Undermarkgreflerisch |
Dr Ludwig I. isch e Suhn vum Konrad II. un dr Hadelwig gsii. Zämme mit syym Brueder Emicho erschynt er vu 1134 bis 1154 am Hof vum Chenig Konrad III. un vu 1139 bis 1154 am Hof vum Chaiser Friedrich I. Barbarossa.
Dr Ludwig I. isch dr erscht us em Gschlächt vu dr Wirttebärger, wu in zueverlässiger Wyys urkundlig „Grof“ gnännt wird, dodermit isch er au dr erscht Wirttebärger, wu sich e Grofschaft ghaa het. Är isch vermuetlig dr Vogt vu dr Kanoniker vum Hailige Grab im Chloschter Denkedorf gsii.