Meghan Trainor
From Wikipedia, the free encyclopedia
D’ Meghan Elizabeth Trainor (* 22. Dezamber 1993 uff Nantucket, Massachusetts) ìsch a àmerikànischa Popsangera un Liadermàchera. Bekànnt worra-n-ìsch sa ànna 2014 mìt ìhrer äärschta Sìnggel All About That Bass, wo Nummer-Ains-Hit ìn da Verainigta Schtààta worra-n-ìsch. Ìn dr Walt ìsch d’ Sìnggel mehr àss 11 Millioona Mol verkàuift worra. Insgsàmt hàt d’ Trainor biim Label Epic Records viar Schtüdio-Àlba veräffentligt. Sa hàt mehrera Priisa bikumma, drunter dr Grammy Award 2016 vum „Bäschta Näija Kìnschtler“.
Dialäkt: Mìlhüüserdiitsch |
Ìn dr Trainor ìhr Wark ìsch biiflusst vu dr Popmüüssik vu da Joohra 1950. ’S ìsch a Mìschung vu Pop, R&B, Doo Wop un Soul. Ìn ìhra Liader reedet sa oft ìwwer Wiibligkait, Käärwerbìld un Salbschtärmachtigung. Naawa-n-ìhra Müüssikkàrriar hàt sa Schtìmmarolla ìn da Filma Die Schlümpfe – Das verlorene Dorf (2017) un Playmobil: Der Film (2019). Drzüa ìsch sa Jury-Mìtglìed ìn da Farnsahsandunga The Four: Battle for Stardom (2018) un The Voice UK (2020).