Schlacht an der Mariza
From Wikipedia, the free encyclopedia
In dr Schlacht bi Tschernomen (bulgarisch Битката при Черномен) au Schlacht an der Mariza (serbisch Marička bitka/Маричка битка) gnennt, het 1371 en osmanischi Armee e bulgarisch-serbischi Armee gschlaage. D Schlacht het nit wit vom hütigen Ort Tschernomen in dr Marizaebeni stattgfunde. Si gältet as äine vo de letschte Versüech vo de christlige Staate in Südosteuropa d Expansioon vom Osmanische Riich z stoppe.
Noch dr Schlacht isch im Vukašin Mrnjavčević si legendäre Soon Marko Mrnjavčević e Vasall vo de Türke worde wie au dr bulgarischi Zar Iwan Schischman und dr Despot vo Welbaschd Konstantin Dragasch. Bäidi häi denn uf dr türkische Site gege d Walache kämpft, und d Türke häi ganz Südostöiropa afo eroobere. Byzanz het sich 1379 underworfe und d Osmane häi 1387 Thessaloniki erooberet.