اضطهاد الاقباط
From Wikipedia, the free encyclopedia
اضطهاد الاقباط ، هى عمليات تعسفيه اخدت اشكال قمعيه كتيره عبر تاريخ الاقباط فى مصر و حصلت بشكل منظم عن طريق الدوله الحاكمه بفرض قوانين و ضرايب و عقوبات مجحفه او عن طريق اشخاص و جماعات بيعانوا من التعصب الدينى. الأقباط فى الاصل هما المصريين لكن كلمة قبطى بقت بتدى معنى مسيحى مصرى بعد فتره من الغزو العربى لمصر سنة 641 و اعتناق مصريين للاسلام فبقت كلمة قبطى بتتقال عن المصرى المسيحى لتمييزه عن المصرى المسلم. قبل دخول الاسلام مصر عانى المسيحيين المصريين من اضطهاد اللى اضطهدوا المسيحيين فى امبراطوريتهم بشكل سنة ، و بعد تحول البيزنطيين للمسيحيه استمر اضطهاد المسيحيين المصريين اللى على المذهب اليعقوبى بسبب اختلافات لاهوتيه مع البيزنطيين الملكيين. بعد ما غزا العرب مصر و طلعوا البيزنطيين منها بالكامل سنة 645 ابتدا عصر جديد من التعسف و الاضطهاد. الإضطهاد ما بداش طوالى بعد احتلال العرب لمصر لإن بطبيعة الحال كل المصريين فى الوقت ده كانو مصريين و اهتمام العرب كان كله منصب على نهب غلة مصر و فلوس المصريين فوصلوا النيل للبحر الاحمر عن طريق قناه قديمه جددوها كان قناة تروجان لنقل الغله للجزيره العربيه عن طريق البحر ، و عملوا ضرايب راس على كل المصريين عشان يملوا بيها خزنتهم ، لكن بعد كده بعد ما المصريين بقوا مسيحيين و مسلمين ابتدت الضغوط تتحط على المسيحيين اللى انفردوا بتسمية اقباط كجماعه ، و فضل الاضطهاد يكتر شويه شويه لغاية ما زاد حجمه بشكل مريع تحت الحكم الاموى اللى فرض ضرايب راس ( جزيه ) مجحفه على الاقباط و لما ثاروا على الاوضاع رد الامويين و من بعدهم العباسيين بعمليات قمع و تنكيل.
الاقباط بيشكلو حوالى 15-20 ٪[1][2][3][4][5][6][7][8][9][10][11][12][13] من سكان مصر—يعنى اكبر اقلية دينية فى البلد.
فى حين إن الأقباط قاسو من حالات الاضطهاد طول تاريخهم ،لاحظت جماعات حقوق الانسان "التعصب الديني المتزايد" و العنف الطائفي ضد الأقباط المسيحيين فى ال سنين الاخيرة ، وعدم قيام الحكومة المصرية بالتحقيق بشكل فعال و الاسلوب الواجب او محاكمة المسؤولين عن الاضطهاد .[14][15]