تفجير كنيسة القديسين فى اسكندريه
From Wikipedia, the free encyclopedia
تفجير اسكندريه 2011 او تفجير كنيسة القديسين ، عملية ارهابيه حصلت فى مدينة اسكندريه , مصر و سط الاحتفالات بليلة راس السنه. بعد حلول السنه الجديده بعشرين دقيقه حصل انفجار قدام كنيسة القديسين فى منطقة سيدى بشر. العملية الارهابية دى وقعت 21 قتيل و حوالى 97 مصاب. بتعتبر اول عملية ارهابيه بالمنظر دا تحصل فى تاريخ مصر. قبل العملية بفتره تنظيم القاعده قام باستهداف كنيسة فى بغداد و هدد الكنايس فى مصر بنفس الحاجة لو , بحسب كلامهم , مافرجوش عن ستات اسلموا, و روجوا و شجعوا التعصب الدينى و قبل التفجير باسبوعين نزل على سايت سلفى متطرف دعوة لتفجير الكنايس فى مصر و عناوين اكتر من كنيسه منهم كنيسة القديسين و الطرق و الاساليب اللى ممكن يتعمل بيها المتفجرات.العملية عملت صدمة فى مصر و فى العالم كله.
| ||||
---|---|---|---|---|
البلد | مصر | |||
المكان | اسكندريه | |||
التاريخ | 1 يناير 2011[1] | |||
الاحداثيات | 31.263296°N 29.991919°E / 31.263296; 29.991919 | |||
الوفيات | ||||
الإصابات | ||||
تعديل |
فى تطورات بعد كده وضحت اجهزه اعلاميه مش مصريه إن منظمة القاعده عن طريق فرعها فى العراق " دولة العراق الاسلامية " ادت امر بضرب كنيسة القديسين قبل العمليه بإسبوعين و ان ده ظهر على موقع تابع للتنظيم.
وزير داخلية مصر حبيب العادلى صرح فى 5 يناير 2011 بإن التفجير ما حصلش بعربيه مفخخه زى ما كان معتقد لكن عن طريق عبوه ناسفه كان شايلها اللى ارتكب الجريمه.