ثورة الاخوان التلاته
From Wikipedia, the free encyclopedia
ثورة الإخوان التلاته هى ثوره مصريه حصلت فى العصر القبطى قامت فى بدايات حكم الامبراطور موريس سنة 582. الاخوان التلاته دول كانو يعقوب و مينا و ابو سخريون من قرية " أيكيله " اللى النهارده اسمها زاوية صقر فى مركز ابو حمص فى البحيره. بدإت الثوره لما احتج الاخوان التلاته على اعتقال السلطات البيزنطيه المحتله لاتنين من كبار الأقباط و اتحول الاحتجاج لثوره كبيره عمت غالبية أقاليم الوجه البحرى و حاول الثوار اقتحام مدينة اسكندريه و قدروا يمنعوا عنها القمح ، و قدر اسحق اللى كان ابن الاخ الكبير انه يستولى على مراكب الغلال اللى كانت بتنقل غلة مصر المنهوبه للقسطنطينيه عاصمة بيزنطه. انتهت الثوره بتهديد من حاكم اسكندريه انه حا يعدم الاقباط الاتنين المعتقلين و غيرهم ، و هرب الاخوان التلاته على صان لكن اتقبض عليهم و اتسجنوا و اتعدموا.