لستة اسر فراعنة مصر
From Wikipedia, the free encyclopedia
الاسر المصريه القديمه فى مصر القديمه كان فيه تلاتين اسره و اللى قسم الاسر المصريه لتلاتين اسره كان المؤرخ المصرى مانيتون كاهن هيليوبوليس اللى كتب تاريخ فراعنه مصر على امتداد عشرين قرن باللغه اليونانيه و نقل اسماء الفراعنه اللى حكمو مصر من على جدران المعابد بطلب من بطليموس التانى ثانى ملوك العصر البطلمى.
مصر عندها اقدم تاريخ مدون فى العالم, و بينقسم التاريخ المصرى القديم لعصرين: عصر قبل التاريخ و العصر التاريخى التانى, فى عصر قبل التاريخ ابتدا استقرار المصرى الاول فى وادى النيل (حوالى 6000 ق.م) لما عرفت الزراعه, و استانست الحيوانات, و استقر المصرى فى مجتمعات صغيره متعاونه, فآدى ده لتقدم مدنيته و اتكونت فى مصر دولتين واحده فى الدلتا و التانيه فى الصعيد, اتحدت الدولتين حوالى سنة 3100 ق.م. تحت سلطه مركزيه برياسه الفرعون و كان ده بفضل (مينا) اللى اتعرف بـ "موحد القطرين".
فى العصر التاريخى التانى عرفت الكتابه و اتبلورت مظاهر الدين و الفن فى مصر, و بينقسم العصر التاريخى لـ 30 اسره ملكيه و تلات دول, مصر عاشت فى عصورها بحكومه مركزيه قويه و مرت بشوية فترات اضمحلال و تفكك ممكن تكون بالشكل داه: