محمد على باشا - محمد على ابراهيم أغا - اتلقب بـ عزيز مصر - و اتعرف فى مصر كمان باسم محمد على باشا القوللى (كاڤالا، 4 مارس 1769 -القاهره، 2 اغسطس 1849) والى مصر و مؤسس العيلة العلويه اللى حكمت مصر و السودان حوالى 150 سنة من 1805 لحد سنة 1953. محمد على باشا حكم من 17 مايو 1805 ل1 سبتمبر 1848 و بيعتبر مؤسس مصر الحديثه و بغض النظر عن مظالمه و جرايمه و اخفاقاته كان سبب نهضتها و دخولها العصر الحديث. قال عنه المؤرخ عبد الرحمن الجبرتى: " فلو وفقه الله لشىء من العدالة على ما فيه من العزم والرياسة والشهامة والتدبير والمطاولة لكان اعجوبة زمانه وفريد اوانه ".
مزيد من المعلومات محمد على باشا هوه حاكم مصر رقم 450 ...
محمد على باشا هوه حاكم مصر رقم 450 |
إغلاق
معلومات سريعة محمد على باشا, (بالتركى العثمانى: محمد علی پاشا) ...
إغلاق
محمد على باشا اتولد سنة 1769 فى مدينة كاڤالا ( كاڤالا) Kavala فى مقدونيا اللى كانت وقتها ضمن أراضى الامبراطورية العثمانيه ، و كان بغض النظر عن اصله اللى فى الأغلب كان البانى بيعتبر نفسه عثمانى. بعد فشل مشاريعه العسكريه و عزله اتوفى فى اسكندريه فى 2 اغسطس 1849 ، و اندفن فى الجامع المعروف باسمه فوق جبل المقطم فى قلعة القاهره.