ডুবাই
সংযুক্ত আৰৱ আমিৰাতৰ সৰ্বাধিক জনবহুল চহৰ / From Wikipedia, the free encyclopedia
ডুবাই (ইংৰাজী: Dubai; /duːˈbaɪ/ ডু-বাই; আৰবী: دبي ডুবেঈ) গুল্ফ উচ্চাৰণ: [dʊˈbɑj]) হৈছে সংযুক্ত আৰব আমিৰাতৰ এখন অতি জনপ্ৰিয় চহৰ।[4] ই পাৰ্ছিয়ান গ'ল্ফৰ দক্ষিণ তীৰত অৱস্থিত আৰু দেশৰ সাতখন আমিৰাতৰ অন্যতম। কেৱল আবু ধাবি আৰু ডুবায়েহে ৰাষ্ট্ৰীয় পৰ্যায়ৰ জটিল বিষয়ৰ ওপৰত দেশৰ বিধায়নীত ভেটো ক্ষমতা প্ৰয়োগ কৰিব পাৰে।[5] ডুবাইত ৱৰ্ল্ড এক্সপ' ২০২০ অনুষ্ঠিত কৰা হ'ব।[6] ডুবাইক মধ্য পূৱৰ প্ৰধান ব্যৱসায়িক কেন্দ্ৰ আৰু গোলকীয় চহৰ হিচাপে গণ্য কৰা হয়।[7] ই পৰিবহণৰো এটা প্ৰধান কেন্দ্ৰ। ১৯৬০ৰ দশৰ পৰা ইয়াৰ অৰ্থনীতিৰ মূল ভেটি হৈছে ব্যৱসায়িক কৰ আৰু কিছু পৰিমাণৰ তৈল কৰ, কিন্ত ১৯৬৬ চনলৈকে ইয়াত তেলৰ আৱিষ্কাৰ হোৱা নাছিল। ১৯৬৯ চনত প্ৰথম তেলৰ ওপৰত কৰ আৰোপ কৰা হৈছিল।[8] নগৰ খনৰ প্ৰৰম্ভিক উন্নয়নত তেলৰ পৰা লাভ কৰা কৰে বহু সহায় কৰিছিল, কিন্তু ইয়াৰ সংৰক্ষণ সীমিত তথা উৎপাদনো নিচেই কম: বৰ্তমান, আমিৰাটৰ ৫%তকৈও কম কৰহে তেলৰ পৰা আহৰণ কৰা হয়।[9] বৰ্তমান ব্যৱসায়ৰ পশ্চিমীয়া-ধৰণৰ আৰ্হি আৰু পৰ্যটন, বিমানসেৱা, ব্যৱসায়িক প্ৰতিষ্ঠান, আৰু বিত্তীয় সেৱাসমূহৰ পৰা আহৰণ কৰা প্ৰধান কৰৰ দ্বাৰা আমিৰাতৰ অৰ্থনীতি সঞ্চালিত হয়।[10][11][12] শেহতীয়া ভাৱে বহু বৃহৎ নিৰ্মাণ প্ৰকল্প আৰু ক্ৰীড়া অনুষ্ঠানৰ যোগেদি ডুবাই নগৰে পৃথিৱীবাসীৰ মনোযোগ আকৰ্ষণ কৰিবলৈ সক্ষম হৈছে। নগৰখন পৃথিৱীৰ আটাইতকৈ ওখ অট্টালিকা বুৰ্জ খালিফাকে ধৰি ইয়াত থকা অসংখ্য আকাশচুম্বী আৰু সুউচ্চ অট্টালিকাৰ বাবে পৃথিৱী বিখ্যাত। নগৰ খনৰ বৃহৎ দক্ষিণ এছীয়াৰ কৰ্মশক্তিৰ সৈতে জড়িত মানৱ অধিকাৰৰ প্ৰতি ভাবুকিৰ বাবে ডুবাইক সমালোচনাও কৰা দেখা যায়।[13] ২০০৭–০৮ বিত্তীয় সংকটৰ ফলত ২০০৮-০৯ চনত ডুবাইৰ সম্পদৰ বজাৰত এক বৰ শোচনীয় প্ৰভাৱ পৰিছিল,[14] কিন্তু প্ৰকল্পিত ২০১৫ বাজেট ঘাটি পূৰণৰ ফলত আমিৰাতলৈ সুস্থিৰতা ঘূৰি আহিছে।[15]
ডুবাই دبي |
|
---|---|
— মহানগৰ — | |
ডুবাই | |
সংযুক্ত আৰব আমিৰাতৰ মানচিত্ৰত ডুবাইৰ অৱস্থান | |
ভৌগোলিক স্থানাংক: 24°57′N 55°20′E | |
ৰাষ্ট্ৰ | সংযুক্ত আৰৱ আমিৰাত |
আমিৰাত | ডুবাই আমিৰাত |
প্ৰতিষ্ঠাপক | উবেইড বিন ছৈয়দ আৰু মাকটোম বিন বুট্টি আল মাকট'ম |
আসন | ডুবাই |
উপবিভাগ | নগৰ আৰু গাঁওসমূহ
|
চৰকাৰ | |
- প্ৰকাৰ | সাংবিধানিক একনায়কত্ব[1] |
- আমিৰ | মহম্মদ বিন ৰছিদ আল মাকট'ম |
- ৰাজ কুমাৰ | হামদান বিন মহম্মদ বিন ৰছিদ আল মাকট'ম |
মাটিকালি[2] | |
- মুঠ | ৪,১১৪ কি.মি.২ (১,৫৮৮.৪ বৰ্গ মাইল) |
জনসংখ্যা (১ জানুৱাৰী ২০১৩) | |
- মুঠ | ২১,০৬,১৭৭ জন |
সময় অঞ্চল | আৰব মান সময় (গ্ৰী.মা.স.+৪) |
জিডিপি | আমেৰিকান$ ৮২৯ কোটি, পিপিপি[3] |
জিডিপি পাৰ কেপিটা | আমেৰিকান$ ২৪,৮৬৬,পিপিপি[3] |
ৱেবছাইট | ডুবাই আমিৰাত ডুবাই নগৰ সমিতি ডুবাই পৰ্যটন |
২০১২ চনৰ মতে, ডুবাই হৈছে পৃথিৱীৰ ২২শ তম অত্যধিক খৰচী চহৰ আৰু মধ্য পূৱৰ আটাইতকৈ খৰচী চহৰ।[16][17] ২০১৪ চনত, ডুবাইৰ হোটেলৰ কোঠা জেনেভাৰ পিছতেই বিশ্বৰ দ্বিতীয় ব্যয়বহুল বুলি নিৰ্ণয় কৰা হৈছিল।[18] ডুবাইক মধ্য পূৱৰ আটাইতকৈ উৎকৃষ্ট বাসোপযোগী ঠাই বুলিও গণ্য কৰা হয়।[19]