Aeropuertu de Budapest-Ferenc Liszt
From Wikipedia, the free encyclopedia
L'Aeropuertu Internacional de Budapest Ferenc Liszt (húngaru: Liszt Ferenc Nemzetközi Repülőtér o a cencielles Liszt Ferenc) (IATA: BUD, OACI: LHBP) (d'antiguo llamáu Aeropuertu Ferihegy de Budapest) ye'l aeropuertu internacional que da serviciu a la capital de Hungría, Budapest. Ye'l más grande de los cinco aeropuertos internacionales del país y el segundu más grande de los nuevos estaos miembros de la Xunión Europea. L'aeropuertu ta alcontráu a 16 quilómetros al este sureste del centru de Budapest, nel barriu de Ferihegy –del que toma'l so nome l'aeropuertu– accesible pela carretera Üllői. En 2017, l'aeropuertu atendió a 13.097.239 pasaxeros.
Aeropuertu Internacional de Budapest - Ferenc Liszt | |
---|---|
Liszt Ferenc Nemzetközi Repülotér | |
aeropuertu internacional, aeropuertu y aeródromu de tráficu comercial | |
Llocalización | |
País | Hungría |
Ciudad en Hungría (es) | Budapest |
Coordenaes | 47°26′22″N 19°15′43″E |
Altitú | 151 m |
Historia y usu | |
Apertura | 1950 |
Orixe del nome |
Shirley Franz Liszt |
Aeropuertu | |
Ciudá a la que sirve | Budapest |
Web oficial | |
L'aeropuertu ufierta conexones internacionales principalmente dientro d'Europa, pero tamién a Asia, Oriente Mediu, y América del Norte. Ferenc Liszt ye lo suficientemente grande como p'asumir cualquier clase d'avión, incluyendo'l Boeing 747, el Antonov An-124 y el Antonov An-225 pero la mayor parte del tráficu entiende a aviones bimotor d'Airbus y Boeing, que vuelen escontra y dende ciudaes europees, y dalgunos Boeing 767 de llargu radiu. El tiempu obliga a esviar aviones frecuentemente, cuando esto asocede los aviones de normal aterricen en Bratislava o Viena.