Almadén de la Plata
conceyu de la provincia de Sevilla (España) / From Wikipedia, the free encyclopedia
Almadén de la Plata ye un conceyu español de la provincia de Sevilla, Andalucía. Ye un conceyu asitiáu nel cuadrante noroccidental de la provincia de Sevilla en plenu Parque Natural de la Sierra Norte de Sevilla, delimita les provincies de Sevilla y Huelva. Ta somorguiáu ente los altos y abruptos montes de Sierra Morena y atópase bañáu pel ríos Viar, Gargantafría y la rivera de Cala, según regueros importantes el de los Molinos, Cezadilla y la Mojonera y ribayos mencionables el de les Figales y el de Barra. Asítiase a una altitú sobre'l nivel del mar de 450 metros, tien una estensión superficial de 255,78 km², y una población que nel añu 2016 yera de 1.461 habitantes,[2] con una densidá de 5,88 hab/km². Los sos coordenaes xeográfiques son 37º 52' N, 6º 04' O, siendo los términos municipales estremeros al norte El Real de la Jara, al nordeste Cazalla de la Sierra, al sureste El Pedroso, al sur Castilblanco de los Arroyos, al suroeste El Ronquillo y al oeste Santa Olalla del Cala y la distancia con Sevilla la capital de la provincia ye de 69 km.
Almadén de la Plata | |||
---|---|---|---|
| |||
Alministración | |||
País | España | ||
Autonomía | Andalucía | ||
Provincia | provincia de Sevilla | ||
Tipu d'entidá | conceyu d'España | ||
Cabezaleru/a del gobiernu | José Luis Vidal Ortiz | ||
Nome oficial | Almadén de la Plata (es)[1] | ||
Códigu postal |
41240 | ||
Xeografía | |||
Coordenaes | 37°52′25″N 6°04′50″W | ||
Superficie | 256 km² | ||
Altitú | 450 m | ||
Llenda con | Castilblanco de los Arroyos, Cazalla de la Sierra, El Real de la Jara, El Ronquillo, El Pedroso y Santa Olalla del Cala | ||
Demografía | |||
Población |
1324 hab. (2023) - 696 homes (2019) - 659 muyeres (2019) | ||
Porcentaxe |
0.07% de provincia de Sevilla 0% de Andalucía 0% de España | ||
Densidá | 5,17 hab/km² | ||
Más información | |||
Estaya horaria | UTC+01:00 | ||
almadendelaplata.es | |||
La so principal actividá granible n'agricultura ye'l cultivu de ceberes y olivares tou ello en secanu y en ganadería ye la crianza y engorde de gochos, vaques, cabres y oveyes. Tamién destaquen la fábrica d'esencies pa la ellaboración de productos de perfumería, les fábriques d'ellaboración de xamones, paletes, chacinas y embutíos, la panificadora de pan, l'aceite, la caza y la pesca.
Ye una zona con un vulcanismu antiguu bien importante poles roques frailescas, nacíu a partir de violentes erupciones volcániques. Dellos llugares y paisaxes naturales d'especial guapura a visitar carauterísticos de la zona son: El Berrocal (reserva natural), Los Covachos (xacimientu neolíticu y antigües canteres romanes), La Bordalla (mirador nel so visu), La Traviesa (xacimientu Íberu, mirador y centru astronómicu), El Calvariu (les sos cruces nel Camín de Santiago de la Plata y nel so visu'l mirador), rivera de Cala (zona recreativa de la Romería de la Divina Pastora), Regueru de la Cezadilla (cascaes d'El Remexu), Regueru de Gargantafría (rabiones de Palacios), Regueru de la Mojonera (Las Hoyas), y ríu Viar (banzáu de Melonares).