Bandera de Rumanía
From Wikipedia, the free encyclopedia
La bandera de Rumanía ye una bandera tricolor compuesta por tres franxes verticales d'igual anchor, siendo azul la más averada al asta, mariella la central y bermeya la más alloñada del asta. Anque l'usu d'estos colores ye anterior, entamaron a ser usaos como emblema del movimientu nacional rumanu dende 1834. La disposición d'anguaño remóntase a 1867 anque dende entós s'introducieron delles modificaciones: En 1947 eliminóse l'escudu coles armes reales pa sustituyilu pol de la República Popular (Socialista) de Rumanía (que foi retiráu'l 27 d'avientu de 1989) y el 10 de setiembre de 1992 introducióse l'escudu actual.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Bandera de Rumanía | |
---|---|
Datos | |
Entidá | Rumanía |
Fecha d'adopción | 26 de xunu de 1848 (175 años) |
Proporción | 3:2 |
Colores |
azul cobaltu (#380096) mariellu (#FCE016) bermellón (es) (#D81C3F) |
Elementos representaos | campo (es) (azul cobaltu, mariellu, bermellón (es) ) |
El 26 de xunu de cada añu celébrase'l día de la bandera (Ziua Tricolorului en rumanu) que ye fiesta nacional en Rumanía.
La bandera de Rumanía ye perasemeyada a la bandera de Moldavia, con quien comparte llazos históricos y culturales. Tamién ye idéntica a la bandera de Chad anque nun tienen nenguna venceya.