Bosón de Higgs
From Wikipedia, the free encyclopedia
El bosón de Higgs ye una partícula elemental masiva que la so esistencia ye predicha pol modelu estándar de la física de partícules. Desempeña un papel importante na esplicación del orixe de la masa d'otres partícules elementales asina como la diferencia ente'l fotón, que nun tien masa, y los bosones W y Z, que tienen una masa bastante alta. Les partícules elementales con masa y la diferencia ente la interacción electromagnética (causada polos fotones) y la fuercia débil (causada polos bosones W y Z) son crítiques en munchos aspeutos de la estructura microscópica y macroscópica de la materia. Con esto, si la partícula esiste, el bosón de Higgs tendría un gran efeutu na física y el mundu de güei.[1] Los bosones de Higgs llámense dacuando les partícules de Dios' o 'partícules divines', a raigañu del títulu d'un llibru de divulgación científica escritu por Leon Lederman, gallardoniáu col Nobel de Física en 1988.