Campu de concentración
instalación destinada a detener persones, de vezu en grupos grandes, ensin xuiciu previu / From Wikipedia, the free encyclopedia
Un campu de concentración, o campu d'internamientu, ye un centru de detención o confinamientu onde se zarra a persones pola so pertenencia a un coleutivu xenéricu en llugar de polos sos actos individuales, ensin xuiciu previu y ensin garantíes xudiciales, anque puede esistir una cobertoria llegal integrada nun sistema de represión política. Suélense emplegar campos de concentración pa zarrar a opositores políticos, grupo étnicos o relixosos específicos, persones d'una determinada orientación sexual, prisioneros de guerra, civiles habitantes d'una rexón en conflictu o otros coleutivos.[1]
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
A diferencia d'un campu de prisioneros, que s'emplega como centru de detención de militares enemigos nun conflictu, un campu de concentración úsase mayoritariamente pa la detención de persones non combatientes, anque en dellos periodos históricos tamién s'emplegaron pa zarrar a prisioneros de guerra. Son centros de detención conocíos públicamente, usualmente de gran estensión.
Considérase como variante'l campu de trabayu, un campu de concentración onde los recluyíos son sometíos a trabayos forzaos, frecuentemente en condiciones deplorables.
Debíu al maltratu de la población civil mientres la Segunda Guerra Mundial, redactóse la Cuarta Convención de Xinebra en 1949, llexislando específicamente sobre'l tratu que tienen de dar les partes batalloses nun conflictu a la población civil.