Club de Gimnasia y Esgrima La Plata
From Wikipedia, the free encyclopedia
El Club de Gimnasia y Esgrima La Plata ye una entidá deportiva de la ciudá arxentina de La Plata, capital de la provincia de Buenos Aires. Fundóse'l 3 de xunu de 1887, y recibió'l so nome de los deportes que d'aquella-y dieron nacencia: la ximnasia y la esgrima. Dempués amiestaríense-y añaderíen otres seiciones: de tiru, de críquet, d'atletismu... y, por supuestu, de fútbol, que ye, dende'l pasu del so equipu al profesionalismu en 1931, el deporte que-y da más sonadía al club. Anguaño, amás del de fútbol, tien equipu de baloncestu masculín y de voleibol femenín, y cuenta tamién con delles instalaciones pa esfrute de los sos socios: polideportivu, escuela o el complexu deportivu d'Estancia Chica (con 160 hectárees de terrén) ente más otres.
Club de Gimnasia y Esgrima La Plata | |||
---|---|---|---|
Situación | |||
Estáu | Arxentina | ||
Datos | |||
Nome oficial | Club de Gimnasia y Esgrima La Plata | ||
Tipu | club deportivu | ||
Fundáu en | 3 xunu 1887 | ||
Entrenador | Néstor Gorosito | ||
Categoría | Primer División d'Arxentina | ||
Instalaciones | |||
Estadiu | Estadio Juan Carmelo Zerillo (es) | ||
Uniforme | |||
| |||
Web oficial | |||
Nel so bayurosu historial (ye, coles sos 71 temporaes en Primera, l'octavu club con mayor mantenencia nella) figuren, como finxos cimeros, el campeonatu de Primer División qu'algamaron en 1929, cuando l'equipu entá yera amateur, y la conquista de la Copa Centenariu, organizada en 1994 pa celebrar los cien años de vida de la AFA. Arriendes d'ello, foi tamién cinco vegaes subcampeón de la Primer División, y ganó'l campeonatu de Segunda División en 1944, 1947 y 1952.