Columna de Winogradsky
From Wikipedia, the free encyclopedia
La Columna de Winogradsky ye un simple dispositivu de cultivu de llarga diversidá de microorganismos. Inventao por Sergei Winogradsky, el dispositivu ye una columna d'agua estancao y barru mecío con una fonte carbonu comu periódicu (contién celulosa) o cascos de güevos (contienen carbonatu de calciu) y una fonte sulfuru comu yelsu (sulfatu de calciu) o xema güevu. Incubando la columna na lluz natural por meses obtiénse como resultáu un ambiente de gradiente aerobiu/anaerobiu y un gradiente sulfuru. Estos dos gradientes aliten el xorrecimientu d'estremaos microorganismos como Clostridium, Desulfovibrio, Chlorobium, Chromatium, Rhodomicrobium, Beggiatoa, tanto como los de munches otres especies de bacteries, cianobacteries y ocle.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La columna orixina bayura gradientes, dependiendo de los nutrientes añadíos, dende los cuales gran diversidá d'organismos ya mentaos pue xorrecer. La fas d'agua aerobia y les anaerobies de barru o tierra son perdistinguibles. Debio a la baxa solubilidá del oxíxenu ehí l'agua bien ceo tresfórmase n'anóxica haza la interfás ente barru y agua. Los fofotrofos anaerobios entovia tan presentes nuna llarga y estensa fas nel barru, hai entovia capacidá pa la creación de biofilms y pa la espansión de colonies, como pue vese nes imáxenes. L'ocle y otros fototrofos aerobios tan presentes a lo llargo la superficie y l'agua de la metá superior de les columnes. El xorrecimientu verde ye davezu atribuyío a esos organismos.