Condáu de Toreno
artículu de llista de Wikimedia / From Wikipedia, the free encyclopedia
El condáu de Toreno ye un títulu nobiliariu español, de Castiella, que dende 1838 porta la dignidá de grande d'España de primer clase.
Condáu de Toreno | |
---|---|
condado jurisdiccional (es) | |
Estáu | España |
Creación | 30 ochobre 1659 |
Foi concedíu pol rei Felipe IV, col vizcondáu previu de Matarrosa y por aciu Real Decretu del 12 de payares de 1657 y Real Despachu del 30 d'ochobre de 1659, en favor d'Álvaro Queipo de Llano y Valdés, señor de les villes de Toreno y Tombrio de baxo, alférez mayor del Principáu d'Asturies y de la villa de Cangas de Tinéu (güei Cangas), onde tenía'l solar del so llinaxe, caballeru de Santiago, correxidor de Granada[1] y de Madrid,[2] capitán xeneral de Málaga, del Conseyu de Facienda de dichu rei y el so gentilhombre de boca.
El concesionariu yera fíu del capitán Suero Queipo de Llano y Valdés, natural y alférez mayor de Cangas de Tinéu, que sirvió a S.M. na Xornada del Estrechu de Magallanes, y de Catalina Bernardo de Quirós, nacida na La Pola Ḷḷena; sobrín carnal agnado del inquisidor Fernando de Valdés y Llano, obispu de Teruel y arzobispu de Granada, presidente del Conseyu de Castiella, fundador de la Colexata de Cangas de Tinéu; primu carnal de Juan Queipo de Llano y Valdés, obispo de Guadix y de Coria, y del inquisidor Fernando Queipo de Llano y Valdés, obispu de Lleón; sobrín nietu del inquisidor Juan de Llano Valdés, tamién obispu de Lleón, y sobrín biznietu del inquisidor xeneral Fernando de Valdés, obispu d'Uviéu, de Lleón y de Sigüenza, arzobispu de Sevilla y tamién presidente de Castiella, fundador de la Universidá d'Uviéu y del Colexu de San Pelayo en la de Salamanca. Y taba emparentáu en diversos graos con otros prelaos.[3]
La reina gobernadora María Cristina de Borbón —en nome de la reina Sabela II, la so fía— concedió a esta casa la grandor d'España de primer clase por Real Decretu del 25 d'agostu de 1838 y Real Despachu del 7 de payares siguiente,[4] en cabeza del VII conde, José María Queipo de Llano y Ruiz de Saravia, pernomáu historiador que fuera ministru de Facienda y d'Estáu y Presidentes del Congresu de los Diputaos presidente de les Cortes y del Conseyu de Ministros, académicu de les Reales de la Historia y de San Fernando.