Cráter de Vredefort
From Wikipedia, the free encyclopedia
El cráter de Vredefort ye un cráter d'impautu descubiertu na provincia del Estáu Llibre en Sudáfrica. La llocalidá de Vredefort asítiase dientro del cráter y da-y el so nome. L'impautu producióse hai 2020 millones d'años,[1] polo que se-y considera'l cráter visible terrestre más antiguu.[2] La elevación central del cráter conozse como domo de Vredefort o bóveda de Vredefort.[3] Calcúlase que al impautar el meteoritu lliberó una enerxía de 100 millones de megatones de dinamita y que se movieron 70 000 km³ de roca.[4]
Patrimoniu de la Humanidá — UNESCO | |
---|---|
Imaxe de satélite
Error de Lua en Módulu:Mapa_de_llocalización na llinia 393: Minutes were provided for longitude without degrees also being provided. | |
Llugar | Sudáfrica |
Criterios | Natural: viii |
Referencia | 1162 |
Inscripción | 2005 (XXIX Sesión) |
Área | África |
Tocantes al so diámetru, ye malo de determinar, por cuenta de que la estructura atópase intensamente erosionada.[5] Envaloráronse llargores que tomen un rangu dende 160 hasta 400 km,[5] magar na Base de Datos d'Impautos Terrestres considérase que tien un diámetru de 300 km.[6] Envalórase que'l meteoritu que causó'l cráter tendría ente 5 a 10 km de diámetru.[7] Dende l'añu 2005 el cráter de Vredefort ye consideráu Patrimoniu de la Humanidá pola Unesco.[8]