Darío I
From Wikipedia, the free encyclopedia
Darío I el Grande (550 de edC – 486 de edC) foi'l tercer rei de la dinastía aqueménida de Persia dende l'añu 521 al 486 e.C. , heredó l'Imperiu persa nel so cénit; incluyendo los territorios iranios, Elam, Mesopotamia, Siria, Exiptu, el norte de la India y les colonies griegues d'Asia Menor. Según dellos autores el cayente del Imperiu persa empezaría col reináu del so fíu, Xerxes I.[4]
Darío I | |||||
---|---|---|---|---|---|
29 setiembre 522 edC - 1r ochobre 486 edC ← Esmerdis (es) - Xerxes I de Persia →
29 setiembre 522 edC - 1r ochobre 486 edC ← Esmerdis (es) - Xerxes I de Persia → | |||||
Vida | |||||
Nacimientu | 550 de edC[1] | ||||
Nacionalidá | Imperiu aqueménida | ||||
Muerte | 486 de edC[1] (63/64 años) | ||||
Sepultura |
tumba de Darío I (es) Naqsh-e Rostam (es) | ||||
Familia | |||||
Padre | Histaspes | ||||
Casáu con |
Atosa (es) Parmis (es) Artistona (es) Phaedymia | ||||
Fíos/es |
Xerxes I de Persia[2] Abrocomes (es) Arsames (es) Gobrias (es) Artobazanes (es) Ariamenes (es) Artazostra (es) Masistes (es) Aquemenes (es) Hiperantes (es) | ||||
Hermanos/es |
| ||||
Pueblu | dinastía aqueménida | ||||
Estudios | |||||
Llingües falaes | Persa antiguu | ||||
Oficiu | estadista, líder militar, monarca | ||||
Graduación | Comandante en Xefe | ||||
Creencies | |||||
Relixón | Zoroastrismu | ||||
Según el rellatu tradicional, basáu nel historiador griegu Heródoto, Darío xubió al tronu n'asesinando al usurpador Gaumata, o falsu Esmerdis, cola ayuda d'otros seis aristócrates perses, siendo coronáu a la mañana siguiente. La inscripción de Behistún, mandada a realizar por Darío, confirma la so participación na captura y muerte del usurpador, un miembru de la tribu de los magos, d'orixe medo según dambes fontes, pero nun coincide dafechu col rellatu griegu. El nuevu soberanu tuvo qu'enfrentar numberoses revueltes dende l'empiezu'l so reináu, encalorándoles cola ayuda de la nobleza aqueménida. Tamién, amplió les fronteres del imperiu conquistando Tracia y Macedonia, ya invadiendo les tierres de los saces, una tribu escita que lluchara colos medos y yeren consideraos responsables de la muerte de Ciro II el Grande.[5] Dirixó coles mesmes una espedición punitiva contra Atenes pola ayuda brindada por esta a los griegos d'Asia Menor mientres la revuelta xónica.
Ente'l so llogros destácase la reforma alministrativa y financiera del Estáu; estremó'l territoriu conquistáu en satrapíes, asignando la so xestión a un poderosu gobernador, con amplios poderes, el sátrapa. Enllantó un sistema monetariu unificáu, entamó los códigos llegales tradicionales d'Exiptu, polo que Diodoro Sículo llamólu "el postreru llexislador d'Exiptu" y fixo del araméu l'idioma alministrativu de les rexones occidentales del imperiu. Tamién impulsó proyeutos de construcción, cuantimás en Susa, Pasargada, Persépolis, Babilonia y Exiptu. Ente los documentos primarios del so reináu destácase la yá mentada inscripción de Behistún, una autobiografía de gran valor pa la historia y pal desciframientu de la escritura cuneiforme.