Gran Premiu de Baḥréin de 2006
From Wikipedia, the free encyclopedia
El Gran Premiu de Baḥréin de Temporada 2006 de Fórmula 1 celebrose'l 12 de marzu del 2006, nel Circuitu Internacional de Baḥréin, siendo la primer carrera de la temporada.
Gran Premiu de Baḥréin de 2006 | |
---|---|
III Gulf Air Bahrain Grand Prix (en) | |
Temporada 2006 de Fórmula 1 | |
Xeneral | |
Deporte | automovilismu |
Sede | Circuitu Internacional de Baḥréin |
Estáu | Baḥréin |
Coordenaes | 26°01′57″N 50°30′38″E |
Ganador | Fernando Alonso |
Pole position | Michael Schumacher |
Vuelta rápida | Nico Rosberg |
Estadístiques | |
La carrera siñó la estrena del nuevu sistema de clasificación perfechu de trés tandes. Les dos primeres d'elles disputense col mínimu combustible indispensable, y marquen la eliminación de los 6 autos más lentos en caúna d'elles. Tres d'ello, los 10 autos restantes disputen una sesión de 20 minutos colos tanques yá cargaos pal entamu de la carrera. La primer clasificación del añu foi dominada pola escudería Ferrari, que se quedó colos dos primeros puestos de la parriella.
Tres la salida de la preba, Alonso avanzó fasta'l segundu llugar na primer vuelta, y persiguió a Michael Schumacher de cerca demientres lo más de la carrera, apoderándose del primer puestu tres de la so segunda parada en boxes. El podiu foi completáu por Kimi Raikkonen, nuna actuación notable como la que fexo'l pilotu xaponés Satoru Nakajima nel Gran Premiu d'Australia de 1989, si se tien en cuenta que partió dende lo cabero de la parriella por mor d'un fallu na suspensión demientres la sesión clasificatoria.