Grigori Perelmán
From Wikipedia, the free encyclopedia
Grigori "Grisha" Yákovlevich Perelmán (en rusu: Григорий Яковлевич Перельман), nacíu'l 13 de xunu de 1966 en Leningráu, XRSS (anguaño San Petersburgu, Rusia), ye un matemáticu rusu d'orixe xudíu[5]que fizo contribuciones históriques a la xeometría riemanniana y a la topoloxía xeométrica. En particular, demostró la conxetura de geometrización de Thurston, colo que se llogró resolver la famosa conxetura de Poincaré, propuesta en 1904 y considerada una de les hipótesis matemátiques más importantes y difíciles de demostrar.
N'agostu de 2006 dióse-y a Perelmán la Medaya Fields[6] por "les sos contribuciones a la xeometría y les sos idees revolucionaries na estructura analítico y xeométrico del fluxu de Ricci". La Medaya Fields ye considerada'l mayor honor que puede recibir un matemáticu. Sicasí, él tornó tanto'l premiu como asistir al Congresu Internacional de Matemáticos.
El 18 de marzu de 2010, l'Institutu de Matemátiques Clay anunció que Perelmán cumplió colos criterios pa recibir el primer premiu de los problemes del mileniu d'un millón de dólares,[7] pol resolución de la conxetura de Poincaré.[8] En refugando dichu premiu, declaró:
“Nun quiero tar espuestu como un animal nel zoolóxicu. Nun soi un héroe de les matemátiques. Nin siquier soi tan esitosu. Por eso nun quiero que tol mundu tea mirándome.”