Kálmán Kalocsay
From Wikipedia, the free encyclopedia
Kálmán Kalocsay (6 d'ochobre de 1891, Abaújszántó (es) – 23 de febreru de 1976, Budapest) foi un poeta, traductor y redactor húngaru qu'influyó muncho na evolución de la lliteratura n'Esperanto y de la llingua mesma. Dalgunos de los sos seudónimos foron : C. E. R. Bumy, Kopar, -y, Alex Kay, K. Stelov, Malice Pik, Peter Peneter.
Kálmán Kalocsay | |
---|---|
Vida | |
Nacimientu | Abaújszántó (es) , 6 d'ochobre de 1891[1] |
Nacionalidá | Hungría |
Llingua materna | húngaru |
Muerte | Budapest[2], 23 de febreru de 1976[1] (84 años) |
Estudios | |
Estudios | Universidá Eötvös Loránd 1916) : medicina |
Llingües falaes |
esperantu húngaru |
Oficiu | infeutólogu, poeta, traductor, esperantista |
Emplegadores |
Nyugat (es) Saint Ladislaus Hospital (en) (1920 – |
Miembru de | Akademio de Esperanto |
Kalocsay estudió medicina y dempués fizose'l principal infectólogu nun hospital en Budapest. Dizse que deprendió Esperanto ya Ido na adolescencia, pero decidió sofitar solo l'Esperanto, cuando vio qu'ésti tenía un potencial más grande en lliteratura. En 1921, publicóse'l so primer llibru de poesía orixinal, Mondo kaj Koro (Mundiu y Corazón). Diez años pasaron enantes de la publicación de la so coleición Streĉita Kordo (Cuerda Tensa), que se considera una de les coleiciones de poesía orixinal n'Esperanto más importantes. Tamién apaeció Rimportretoj, que trata sobre'l movimientu esperantista.
Munchos tamién creen qu'él foi l'escritor de Sekretaj Sonetoj (Sonetos Secretos, coleición de secretos eróticos baxo'l seudónimu Peter Peneter.)
Kalocsay emburrió'l mundiu de la lliteratura n'Esperanto por mediu de la revista Literatura Mondo. Y el grupu d'escritores que se formó alredor de la revista nos años 1920's y 30', que se llamó Budapeŝta Skolo (Escuela de Budapest) .
Les obres de Kalocsay sobre lliteratura y teoría llingüística incluyen la obra Plena Gramatiko de Esperanto (Gramática Completa d'Esperanto), Parnasa Gvidlibro (Llibru guía del Parnasu), fechu en collaboración con Gaston Waringhien, y el llibru guía d'estilu Lingvo Stilo Formo (Llingua Estilo Forma). Kalocsay escribió tamién en collaboración los dos volúmenes d'Enciklopedio de Esperanto. Sobre Kalocsay muncho escribió y cuidó los sos escritos postmortem Ada Csiszár. Dempués de la muerte d'Ada, los materiales de Kalocsay foron movíos al Esperantomuzeo de la Biblioteca Nacional d'Austria.