Provincies españoles n'África
From Wikipedia, the free encyclopedia
Les provincies españoles n'África fueron cuatro territorios so soberanía española asitiaes nel África española que llograron el rangu de provincia d'España mientres la dictadura de Francisco Franco.
En 1959 estos territorios adquirieron l'estatus de provincies,[1] celebrando los sos primeres eleiciones llocales en 1960 cuando escoyeron los primeres procuradores nes Cortes Españoles.
La mayor parte d'estos territorios proveníen de los territorios conocíos como África Occidental Española y Territorios Españoles del Golfu de Guinea. L'África Occidental taba compuestu por Río de Oro y Saguia el Hamra, que se xuniríen pa dar forma a la provincia d'El Sáḥara (la que dende 1975 forma'l territoriu apostáu d'El Sáḥara Occidental), amás d'Ifni que xubió al rangu de provincia y Cabu Juby que foi cedíu a Marruecos.
Los territorios asitiaos nel Golfu de Guinea fueron consideraos como colonia nel periodu de tiempu entendíu ente los años 1778 y 1956, fecha en que foi creada la Provincia del Golfu de Guinea, que perduraría hasta 1959, al dixebrase les provincies de Fernando Po y Ríu Muni. So la llei d'autonomía, les dos provincies fueron reunificadas en 1964 como la Rexón Autónoma de Guinea Ecuatorial y dotaes d'una llindada autonomía, con órganos comunes a tol territoriu (ente ellos un cuerpu llexislativu) y organismos propios de cada provincia. Anque'l comisionado xeneral nomáu pol gobiernu español tenía amplios poderes, l'Asamblea Xeneral de Guinea Ecuatorial tenía considerable iniciativa pa formular lleis y regulaciones. Esti territoriu llograría la independencia en 1968.[2]