Ríu Columbia
From Wikipedia, the free encyclopedia
El ríu Columbia (tamién conocíu como Wimahl o Gran Ríu polos nativos de los pueblos chinook que viven nel so cursu baxu) ye un ríu del suroeste de Canadá y noroeste d'Estaos Xuníos que flúi en direición norte-suroeste pola provincia de Columbia Británica, en Canadá, y los estaos de Washington y Oregón n'Estaos Xuníos, desaguando nel océanu Pacíficu. Con 2044 km ye'l sestu ríu más llargu d'América del Norte, por detrás del Missouri, Mississippi, Bravo, Arkansas y Colorado.
Ríu Columbia | |
---|---|
Shocatilicum (und) | |
Situación | |
País | Canadá |
Provincia | Columbia Británica |
Tipu | ríu |
Coordenaes | 50°13′00″N 115°51′00″W |
Datos | |
Altitú media | 406 m |
Noamáu por | Columbia Rediviva (es) |
Conca hidrográfica | cuenca hidrográfica del Columbia (es) |
Superficie de la conca | 668 217 km² |
Llonxitú | 2000 km |
Caudal | 7500 m³/s |
Nacimientu | Lago Columbia (es) |
Desembocadura | Océanu Pacíficu |
Afluentes |
ver
|
Toma'l nome del Columbia Rediviva, el primer barcu occidental conocíu que remontara'l ríu. Naz na provincia canadiense de la Columbia Británica y en cruciando'l estáu de Washington (EE. XX.) y depués delimitar gran parte de la separación alministrativa ente los estaos de Washington y Oregón, desagua nel Pacíficu. La so cuenca hidrográfica, que drena gran parte de la Columbia Británica, Idaho, Oregón, Washington y pequeñes rexones de Montana, Wyoming, Utah y Nevada, entiende 668 000 km².
En términos de caudal (7500 m³/s na so desaguada), el Columbia ye'l ríu de Norteamérica más caudalosu de l'aguada del Pacíficu y el cuartu más caudalosu de los Estaos Xuníos. La fuerte corriente del ríu y l'eleváu saltu o descensu d'altor nuna relativamente curtiu llargor, apúrre-y un terrible potencial de producción d'eletricidá que yá foi esplotáu, siendo'l ríu que más enerxía hidroeléctrica produz de Norteamérica, con catorce preses a lo llargo del so cursu —trés en Canadá y once n'Estaos Xuníos— y otres munches en dellos de los sos afluentes.
El Columbia foi afayáu en 1792 pol comerciante y aventureru d'Estaos Xuníos Robert Gray. Ente 1807 y 1811, la pellitera Compañía del Noroeste esplotó tol so cursu. Dende la década de 1810 el ríu sirvió como vía de comunicación na rexón noroccidental del subcontinente.[1]
Dempués del establecimientu de numberosos asentamientos norteamericanos y europeos nes sos veres, el ríu Columbia emprestó munchos servicios pal desenvolvimientu de los propósitos humanos, incluyendo trabayos de draga pa dexar la navegación de mayores barcos peles sos agües, la construcción de preses pa la xeneración d'eletricidá, agua pal riego de cultivos y control de crecíes ya hinchentes, ya inclusive pa esfrecer instalaciones d'enerxía nuclear. Toos esos proyeutos entraron en conflictu col caltenimientu del medioambiente y el movimientu d'especies píscicolas y animales, produciendo una contaminación indeseada nes sos agües.