Club Atlético River Plate
From Wikipedia, the free encyclopedia
El Club Atlético River Plate, conocíu simplemente como River Plate o River (n'asturianu ríu de la plata) ye una entidá polideportiva con sede asitiada en Buenos Aires, Arxentina.[1] La so disciplina principal ye'l fútbol masculino profesional, que milita anguaño na Primer División d'Arxentina, de la que ye'l club que rexistra la mayor cantidá de temporaes xugaes en tola so historia. Coles mesmes, nel club prautíquense 65 disciplines distintes,[2] según tamién ufierta institutos educativos d'escelencia en tolos niveles académicos, y actividaes culturales y sociales de distintu calter.
Club Atlético River Plate | |||
---|---|---|---|
Situación | |||
Estáu | Arxentina | ||
Datos | |||
Nome oficial | Club Atlético River Plate | ||
Tipu | club deportivu | ||
Fundáu en | 25 mayu 1901 | ||
Entrenador | Martín Demichelis | ||
Categoría | Primer División d'Arxentina | ||
Instalaciones | |||
Estadiu | Estadiu Antonio Vespucio Liberti | ||
Capacidá | 84 567 | ||
Inaugurao | 26 may 1938 | ||
Direición | Av. Pres. Figueroa Alcorta 7597 | ||
Uniforme | |||
| |||
Patrocinador | Turkish Airlines | ||
Web oficial | |||
El club fundóse nel barriu de La Boca en 1901, pola fusión de los clubes Santa Rosa y La Rosales, y adoptó el so nome pola traducción lliteral del inglés de Ríu de la Plata. Depués de tener el so estadiu na llocalidá bonaerense de Sarandí mientres un curtiu periodu, volvió al barriu onde se fundó pa treslladase dempués a Recoleta, onde tenía los so propiu estadiu. Col pasu de los años el club creció en popularidá y tuvo que treslladase en 1938 al barriu de Belgrano, al norte de la ciudá de Buenos Aires, anque xeneralmente rellaciónase l'allugamientu del club col barriu de Núñez.
El so estadiu ye'l Antonio Vespucio Liberti, tamién conocíu como «El Monumental», ye'l más grande d'Arxentina y el sestu más grande d'América. Tien capacidá pa 61 688 espectadores y ye onde xuega de llocal la seleición de fútbol d'Arxentina.
Forma parte de los «cinco grandes del fútbol arxentín», desque l'AFA dispunxo principiar el llamáu «votu proporcional» en 1937, que consistía en da-y mayor poder de decisión a los clubes con mayor númberu de socios, mayor antigüedá y mayor cantidá de títulos.[3] Protagoniza xunto col Boca Juniors el denomináu Superclásicu del fútbol arxentín, un acontecimientu que según el periódicu inglés The Observer ta nel primer puestu ente los 50 espectáculos deportivos qu'hai que ver antes de morrer,[4] ente que'l tamién británicu The Sun descríbelu como la esperiencia deportiva más intensa del mundu».[5] Amás, xuega tamién clásicos históricos con Independiente, San Llorienzu y Racing Club; con esti postreru, el más aneyu del fútbol arxentino.
Ye'l club más ganador del profesionalismu, con 60 títulos. Y tamién ye'l de más ésitu na historia del fútbol unificáu, sumando tolos años del profesionalismu y del amateurismu nos que se xugó so una única asociación ensin lligues paraleles.[6] En total tien 63 títulos oficiales. Nel planu nacional, tien el récor de ganar 36 campeonatos de primer División (1 mientres el amateurismu y 35 nel profesionalismu), lo que lo fai'l máximu campeón del fútbol arxentín. Amás, tamién algamó'l títulu de campeón en 11 copes nacionales oficiales (1 na era amateur y 10 na profesional) y 2 títulos de Segunda División (1 na era amateur y 1 na era profesional). El club tamién tien 16 títulos internacionales oficiales de mayores,[7] 10 d'ellos entamaos pola Conmebol, ente los que se cunten una Copa Intercontinental, trés Copes Libertadores, una Copa Interamericana, una Copa Suramericana, una Supercopa Suramericana, dos Recopes Suramericanes y una Copa Suruga Bank. Amás llogró cinco Copes Aldao y una Cup Tie Competition, torneos internacionales que yeren entamaos en xunto pola Asociación del Fútbol Arxentín y l'Asociación Uruguaya de Fútbol.
El so mayor llogru deportivu algamólu el 14 d'avientu de 1986 cuando se consagró campeón del Mundu al ganar al Steaua de Bucuresti de Rumanía por 1-0 nel Estadiu Nacional de Tokiu, na final de la Copa Intercontinental. Gracies a esa conquista integra'l grupu selectu de los únicos 29 equipos nel mundu que ganaron el máximu campeonatu de clubes de fútbol a nivel mundial, ente más de 300 000 clubes reconocíos por FIFA.[8]
Ente otros llogros, River atópase primero na tabla histórica de la Primer División d'Arxentina, yá que ye'l club con más partíos ganaos, más goles marcaos y meyor diferencia de gol mientres la etapa profesional del fútbol arxentino, según tamién ye'l club col coeficiente de menos partíos perdíos y menos goles recibíos. Coles mesmes, ye l'equipu que más vegaes consiguió un tricampeonatu, en cuatro oportunidad.[9] Ocupa'l segundu puestu na tabla histórica de la Copa Libertadores d'América, xugándola en 33 oportunidaes, el quintu club americanu con más participaciones.
La IFFHS, nel ranking mundial históricu ente los años 1991 y 2009, asitióse na novena posición, lo que lo fai'l club con meyor posición na tabla de tol continente.[10] Dende l'añu 2000, esta mesma institución escoyólu cuatro veces como'l Meyor equipu del mundu del mes. Foi designáu pola FIFA como'l novenu Meyor club del sieglu xx depués de los resultaos d'una encuesta realizada a los llectores de la revista bimestral de dicha organización, FIFA World Magacín, n'avientu del 2000, ocupando la mesma plaza que l'AC Milan d'Italia y el Flamengo de Brasil, y superando a equipos como'l Inter, Liverpool y Benfica, ente otros, quedando d'esta manera como'l meyor equipu arxentín nesti ranking y terceru a nivel continental, tras del Santos FC de Brasil y Peñarol d'Uruguái.[11][12] Según esta distinción de la FIFA, River Plate ye'l meyor club arxentín del sieglu xx, razón pola cual se autoproclama como'l Campeón del Sieglu».