Seleición masculina de fútbol de Brasil
equipu representante de Brasil nes competiciones internacionales de fútbol masculín / From Wikipedia, the free encyclopedia
La seleición de fútbol de Brasil (Seleção Brasileira de Futebol en portugués) ye l'equipu que representa a dichu país nes competiciones oficiales. La so organización ta al cargu de la Confederación Brasilana de Fútbol, perteneciente a la Confederación Suramericana de Fútbol (Conmebol).
Seleición masculina de fútbol de Brasil | ||||
---|---|---|---|---|
| ||||
Datos xenerales | ||||
Códigu FIFA | BRA | |||
Asociación | Confederación Brasilana de Fútbol (CBF) | |||
Confederación | CONMEBOL | |||
Nomatu |
Pentacampeões La Canarinha Scratch do ouro Verdeamarelha[1] Auriverde | |||
Capitán | Neymar | |||
Más goles | Pelé (77) | |||
Más particip. | Cafú[2] (142) | |||
Ranking FIFA | 2.ᵘ en xunu de 2018 | |||
→ Meyor llugar | 1.ᵘ en 1994-2007, 2009 | |||
→ Peor llugar | 22.ᵘ en xunu de 2013 | |||
Estadiu | Maracaná de Rio de Janeiro | |||
Primer partíu internacional | ||||
Arxentina 3:0 Brasil — 20 de setiembre de 1914 | ||||
Meyor resultáu internacional | ||||
Brasil 10:1 Bolivia — 10 d'abril de 1949 | ||||
Peor resultáu internacional | ||||
Brasil 1:7 Alemaña — 8 de xunetu de 2014 | ||||
Copa Mundial de Fútbol | ||||
Participación | 21 (por primer vez en 1930) | |||
Meyor resultáu | (1958, 1962, 1970, 1994 y 2002) | |||
Copa FIFA Confederaciones | ||||
Participación | 7 (por primer vez en 1997) | |||
Meyor resultáu | (1997, 2005, 2009 y 2013) | |||
Copa América | ||||
Participación | 33 | |||
Meyor resultáu | (1919, 1922, 1949, 1989, 1997, 1999, 2004 y 2007) | |||
Participación | 3 (por primer vez en 1996) | |||
Meyor resultáu | (1996 y 2003) | |||
Meyor resultáu | (1952 y 1956)[3] | |||
Fútbol nos Xuegos Olímpicos | ||||
Participación | Nun participó | |||
Meyor resultáu | Considérase la participación de la seleición absoluta[4] | |||
[editar datos en Wikidata] |
Conocida como «Scratch do ouro», «La Verde-amarela» o «La Canarinha», atópase afiliada a la FIFA dende 1923[5] y ye miembru asociáu y fundador de la Conmebol dende 1916.[6]
En materia dirigencial el so actual presidente ye Marco Polo del Nero que figura como'l 20º presidente de la Confederación Brasilana de Fútbol, cargu qu'ocupa dende'l 12 de marzu de 2014.
Brasil ye la seleición más esitosa na historia de la Copa Mundial de Fútbol. Ye la única hasta agora en participar en toles copes del mundu[7][8] y tien el récor de Campeonatos Mundiales ganaos con cinco títulos y tamién tien el récor na Copa FIFA Confederaciones con cuatro títulos. Na Copa América llogró ocho títulos, 11 segundos puestos y siete terceros. Anguaño atópase liderando la Tabla xeneral de la Copa del Mundu y la de Copa Confederaciones. Siempres se clasificó pa la Copa Mundial de Fútbol ensin xugar nenguna repesca. A nivel interconfederativo continental, Brasil tien dos Campeonatu Panamericanos de Fútbol: llogró'l títulu d'esti tornéu continental xugáu 3 vegaes na edición de 1952 y na de 1956. Brasil ganó un total de 66 títulos internacionales oficiales, cuntando seleición absoluta y seleiciones de base, tratándose d'un récor mundial.
Brasil, Arxentina y Francia son les úniques seleiciones del mundu que ganaron la Copa Mundial, los Xuegos Olímpicos, la Copa Confederaciones, y la so respeutiva copa rexonal (Copa América y Eurocopa, respeutivamente).
Foi la única seleición nel mundu en llograr 12 vegaes el Premiu al equipu del añu pola FIFA, que estrema al meyor escoyíu de la clasificación de la FIFA,[9] siendo la seleición que más vegaes lo llogró nel mundu, 4 vegaes el Premiu Fair Play de la FIFA[10] pol so xuegu llimpiu, 1 Premiu al equipu más curiosu pola FIFA[11] y 1 Premiu Príncipe d'Asturies de los Deportes.[12]
El delanteru Pelé, tricampeón mundial, ye'l xugador más emblemáticu de Brasil. Otros xugadores destacaos fueron los porteros Gilmar, Cláudio Taffarel y Marcos, los defenses Djalma Santos, Nilton Santos, Carlos Alberto, Júnior, Cafú y Roberto Carlos, los mediocampistes Didí, Rivelino, Sócrates, Falcão, Zico y Rivaldo, y los delanteros Leônidas da Silva, Ademir, Garrincha, Jairzinho, Romário, Bebeto, Ronaldo, Kaká, Ronaldinho, Robinho, Adriano,Neymar Jr. y Zeta