Seleición masculina de fútbol de Perú
From Wikipedia, the free encyclopedia
La seleición de fútbol de Perú ye l'equipu representativu d'esi país nes competiciones oficiales de fútbol. La so organización ta al cargu de la Federación Peruana de Fútbol, que ye miembru de la Confederación Suramericana de Fútbol. El so debú produció'l 1 de payares de 1927 ante la seleición d'Uruguái nel Campeonatu Suramericanu d'aquel añu.[3]
Seleición masculina de fútbol de Perú | ||||
---|---|---|---|---|
| ||||
Datos xenerales | ||||
Códigu FIFA | PER | |||
Asociación | Federación Peruana de Fútbol (FPF) | |||
Confederación | Conmebol | |||
Nomatu |
La Blanquirroja La Roxiblanca La Bicolor Los Inques | |||
Capitán | Paolo Guerrero | |||
Más goles | Paolo Guerrero[1] (34) | |||
Más particip. | Roberto Palacios[2] (128) | |||
Ranking FIFA | 11.ᵘ en xunu de 2018 | |||
→ Meyor llugar | 10.ᵘ n'ochobre de 2017 | |||
→ Peor llugar | 91.ᵘ en setiembre de 2009 | |||
Estadiu | Estadiu Nacional de Lima, Perú | |||
Primer partíu internacional | ||||
Perú 0:4 Uruguái — 1 de payares de 1927 | ||||
Meyor resultáu internacional | ||||
Perú 9:1 Ecuador — 11 d'agostu de 1938 | ||||
Peor resultáu internacional | ||||
Brasil 7:0 Perú — 26 de xunu de 1997 | ||||
Copa Mundial de Fútbol | ||||
Participación | 5 (por primer vez en 1930) | |||
Meyor resultáu |
Cuartos de final, 1970 Segunda fase, 1978 | |||
Copa FIFA Confederaciones | ||||
Participación | Ensin participaciones | |||
Copa América | ||||
Participación | 31 | |||
Meyor resultáu | Campeón (2), 1939 y 1975 | |||
Xuegos Olímpicos | ||||
Participación | 2 (por primer vez en 1936) | |||
Meyor resultáu | Cuartos de final, 1936 | |||
[editar datos en Wikidata] |
Hasta la fecha llogró clasificase a cinco ediciones de la Copa del Mundu (1930, 1970, 1978, 1982 y 2018), siendo los sos meyores resultaos los cuartos de final algamaos en 1970 (onde ganó'l premiu al xuegu llimpiu)[4][5] y la segunda fase en 1978, ente que, a nivel rexonal, foi campeona de la Copa América en 1939 y 1975,[6][7] ganando a les seleiciones d'Uruguái y Colombia respeutivamente. Na Copa América de Chile 2015 ganó'l premiu al xuegu llimpiu per primer vegada nesta competición, algamando tamién per octava vegada'l tercer llugar.[8][9] Anguaño, la seleición peruana ocupa'l 11° llugar nel ranking mundial FIFA dende'l mes de payares de 2017.
Tocantes a les categoríes xuveniles, la seleición sub-23 llogró'l segundu llugar nel Tornéu Preolímpicu Suramericanu Sub-23 de 1960, el tercer llugar en 1964 y 1980 y el cuartu llugar en 1972.[10] La seleición sub-20 llogró la medaya d'oru nos Xuegos Suramericanos de 1990 y la medaya de bronce nos de 1994.[11] La seleición sub-17, pela so parte, participó en dos Copes del Mundu de la categoría, primero na Copa Mundial de Fútbol Sub-17 de 2005 y depués na de 2007, avanzando nesta postrera hasta los cuartos de final.[12][13] Na categoría sub 15 la seleición consiguió'l Campeonatu Suramericanu de dicha categoría l'añu 2013[14][15][16] y a nivel internacional llogró la medaya d'oru nos Xuegos Olímpicos de la mocedá en 2014.[17][18][19][20]
La xeneración más destacada de xugadores foi la que ganó una Copa América y participó en 3 mundiales nel periodu 1970 - 1982, conformada por Alberto Gallardo, Héctor Chumpitaz, Julio Meléndez, Roberto Chale, Ramón Mifflin, Teófilo Cubillas, Julio César Uribe, Hugo Sotil, César Cueto, Juan Carlos Oblitas, José Velásquez, Percy Rojas, Gerónimo Barbadillo y Franco Navarro. Años antes, cuando'l fútbol suramericano entá se consolidaba, rellumaron cola seleición ganando una Copa América, futbolistes como: Alejandro Villanueva, Teodoro Fernández Meyzán, el porteru Juan Valdivieso, Alberto Terry, Valeriano López, Miguel Loayza, Juan Seminario y Juan Joya.
Nos dos últimes décades resaltaron cola seleición xugadores como Nolberto Solano, Roberto Palacios, Paolo Guerrero, Jefferson Farfán, Alberto Rodríguez, Christian Cueva, Edison Flores, Yoshimar Yotún, André Carrillo, Pedro Gallese y Renato Tapia.[21]. Estos postreros fueron artífices de la clasificación mundialista depués de 36 años.