Sinn Féin
From Wikipedia, the free encyclopedia
Sinn Féin (pronunciáu [ʃɪnʲ fʲeːnʲ] , /shiñ fieñ/; del irlandés Nós o Nós mesmos; y non como n'ocasiones se traduz de mou incorreuta, Nós solos) ye un partíu políticu irlandés d'ideoloxía izquierdista, activu tantu na República d'Irlanda como n'Irlanda del Norte.[2]
Sinn Féin | |
---|---|
Acrónimu | SF |
Fundador/a | Arthur Griffith |
Presidente | Mary Lou McDonald |
Fundación | 28 de payares de 1905[1] |
Asocedíu por | Aontú |
Sede |
Parnell Square Dublín |
Estáu | República d'Irlanda |
Ideoloxía política | republicanismu irlandés, republicanismu, Nacionalismu d'esquierda y socialismo populista (es) |
Posición nel espectru | izquierda y centru izquierda |
Afiliación europea | Grupu Confederal de la Esquierda Xunitaria Europea / Esquierda Verde Nórdica |
Páxina web | sinnfein.ie y sinnfein.ie… |
La organización orixinal de Sinn Féin foi fundada en 1905 por Arthur Griffith, pero dende entós estremóse sustancialmente en delles ocasiones, especialmente dando llugar a los dos partíos tradicionalmente dominantes de la política del sur d'Irlanda: Fianna Fáil y Fine Gael, arriendes de la Guerra civil irlandesa. El partíu tomó la so forma actual en 1970 dempués d'otra división (cola otra faición eventualmente convirtiéndose nel Partíu de los Trabayadores d'Irlanda). Históricamente acomuñóse col Exércitu Republicanu Irlandés Provisional (IRA).[3] Mary Lou McDonald convirtióse en presidenta del partíu en febreru de 2018.
El Sinn Féin ye unu de los dos partíos más grandes de l'Asamblea d'Irlanda del Norte, ganando namái un escañu menos que'l Partíu Xunionista Democráticu (DUP) nes eleiciones parllamentaries d'Irlanda del Norte de 2017. Nesa asemblea, ye'l mayor partíu nacionalista irlandés y tien cuatro puestos ministeriales nel Executivu d'Irlanda del Norte pa compartir el poder a partir de 2020. Na Cámara de los Comunes del Reinu Xuníu, el Sinn Féin tien siete de los 18 escaños d'Irlanda del Norte, lo que conviértelu nel segundu bloque más grande dempués del DUP; ellí sigue una política d'astencionismu, negándose a sentase nel parllamentu o votar proyeutos de llei. Nel Oireachtas (el parllamentu de la República d'Irlanda), el Sinn Féin ganó la mayor parte de los votos de primera preferencia nes eleiciones xenerales d'Irlanda de 2020.