Universu cinematográficu de Marvel
From Wikipedia, the free encyclopedia
Plantía:Ficha de franquicia de medios L'Universu Cinematográficu de Marvel (n'inglés Marvel Cinematic Universe, de cutiu embrivíu MCU) ye una franquicia de medios y un universo ficticiu compartíu, centrada nuna serie de películes de superhéroes, producíes independientemente por Marvel Studios y basaes nos personaxes qu'apaecen nes publicaciones de Marvel Comics. La franquicia espandióse hasta incluyir cómics, curtiumetraxes y series de televisión. Esti universu compartíu, de manera similar al Universu Marvel orixinal de los cómics, ye establecíu por aciu crossovers ente trames comunes, miembros del repartu y personaxes. Clark Gregg apaeció en dellos productos de la franquicia, interpretando a Phil Coulson, un personaxe orixinal del MCU.
La primer película estrenada del MCU foi Iron Man (2008), empecipiando la "Fase unu" de les películes, que remató con The Avengers (2012). La "Fase dos" empezó con Iron Man 3 (2013), y concluyó con Ant-Man (2015). Marvel ta desenvolviendo una "Fase tres", qu'empecipió col llanzamientu de Captain America: Civil War (2016) y va concluyir con Avengers 4 (2019).
El MCU empezó a espandise col llanzamientu del primer cómic oficial, en 2010, y siguió arriqueciéndose colos curtiumetraxes Marvel One-Shots en 2011 y delles series de televisión, siendo la primera Marvel's Agents of S.H.I.E.L.D. estrenada en 2013.
La franquicia nel so conxuntu, ocupa'l númberu unu na llista de películes más taquilleres, siendo tamién el númberu unu n'Estaos Xuníos.