Xeografía de Costa Rica
From Wikipedia, the free encyclopedia
Costa Rica allúgase dientro de les coordenaes xeográfiques 8° y 11°15', de latitud norte, y 82° y 86°, de longitud oeste. Incluyendo la so área insular, tien una estensión de 51.100 km² (50.660 km² de tierres y 440 km² d'agua). Xunto a Belize y El Salvador ye unu de los estaos más pequeños d'América Central. Llenda al norte con Nicaragua cola que comparte 309 km de frontera y al sur con Panamá cola que comparte 330 km, al este col mar Caribe y al oeste col océanu Pacíficu.
Xeografía de Costa Rica | ||
---|---|---|
Llocalización | ||
Continente | América | |
Rexón | América Central | |
Carauterístiques xeográfiques | ||
Superficie | 51.100 km² | |
50.060 km² (tierra) | ||
40 km² (agua) | ||
Llinia de costa | 1.290 km | |
Puntos estremos | ||
Puntu más baxu | Océanu Pacíficu a 0 m | |
Puntu más altu | Cuetu Chirripó a 3820 m | |
| ||
Clima | Clima tropical | |
Fronteres territoriales | ||
• Nicaragua | 309 km | |
• Panamá | 330 km | |
• Plataforma continental | 200 nm | |
• Zona económica esclusiva | 200 nm | |
• Mar territorial | 12 nm | |
[editar datos en Wikidata] |
El llargor de la mariña estiéndese 1.228 km, de los cualos 1.016 tán na mariña pacífica y 212 km nel mar Caribe. La mariña pacífica presenta una serie d'irregularidaes como penínsules, golfos y badees, condición que facilita l'establecimientu de zones portuaries y pal desenvolvimientu turísticu. Pela cueta la mariña del Caribe ye más regular, pero menos apta pa esti tipu d'instalaciones. El país tien soberanía sobre 200 mn de zona esclusiva económica, y 12 mn d'agües territoriales.
El país tien un exa montascosa central llonxitudinal con direición noroeste-sureste, estremáu en cuatro cordillera, a partir de les cualos nacen los ríos, que desagüen nes aguaes de dambos océanos. L'aición d'estos ríos dio llugar a tres grupos d'llanures, que son más estenses escontra la mariña atlántica. El centru del país ta ocupáu por una depresión teutónica conocida como Valle Central, onde vive la mayoría de la población. El país cunta con cerca de 200 volcanes, de los cualos 5 tán activos. La islla del Cocu, nel océanu Pacíficu, ye parte del territoriu nacional.
Dende los sos oríxenes como territoriu ístmico, foi ponte biolóxica onde coesisten especies de flora y fauna pertenecientes al neoártico, al neotrópico y delles otres a la rexón de les Antilles. Por cuenta de esta biodiversidá, alcuéntrense zones de vida, que inclúin dende paisaxes mariniegos alcontraos a nivel del mar hasta paisaxes de pandorial sobre los 3.000 m d'altitú.
La biodiversidá dexa al país tener una herpetofauna d'alredor de 360 especies (150 anfibios y 210 reptiles), una avifauna d'aproximao 850 especies (625 añeren y 225 son migratories), una mastofauna de casi 205 especies, ente les qu'atopamos esperteyos y mamíferos non voladores.