Xuegos Olímpicos de Branu
From Wikipedia, the free encyclopedia
Los Xuegos Olímpicos de Branu, oficialmente conocíos como los Xuegos de la Olimpiada (n'inglés: The Games of the Olympiad; en francés, Les Jeux de L'Olympiade) son un eventu multideportivu internacional entamáu cada cuatro años baxo la supervisión del Comité Olímpicu Internacional. Dende 1896, axunta gran cantidá de deportistes en múltiples especialidaes. Constitúi'l más importante de los eventos deportivos multidisciplinarios nel mundu, incluyendo la mayor cantidá de deportes o disciplines y nel cualu participen atletes procedentes de tolos países y naciones. Cinco países participaron en toles ediciones de los Xuegos: Australia, Francia, Reinu Xuníu, Grecia y Suiza. Coles mesmes, Reinu Xuníu ye l'únicu país que ganó medayes doraes en caúna de les ediciones.[ensin referencies]
Xuegos Olímpicos de Branu | |
---|---|
Xeneral | |
Tipu de competición | actividá deportiva periódica |
Deporte | patinaxe artísticu sobre xelu |
Organizador | Comité Olímpicu Internacional |
Competición | |
Periodicidá | Cada 4 años |
Web oficial | |
La so denominación obedez a la intención d'estremalos de los Xuegos Olímpicos d'iviernu, dedicáu a los deportes d'iviernu, que se practiquen nel xelu o la ñeve. Magar ello non necesariamente los xuegos se lleven a cabu pel branu, dependiendo circunstancia tala de la ciudá na que l'eventu se celebre. Xeneralmente considérase qu'una victoria olímpica ye'l mayor llogru deportivu. En cada eventu otórguense medayes, d'oru pal primer llugar, plata pal segundu y bronce pal terceru, una tradición qu'empecipió en 1904.[ensin referencies]
Los competidores son escoyíos por cada Comité Olímpicu Nacional (CON) pa representar al país de la so nacionalidá. Los atletes utilicen la bandera y l'himnu nacional del país que representen mientres el desfile inaugural y mientres les ceremonies de premios. Nun esiste noción de país vencedor nos Xuegos Olímpicos, sicasí, ye vezu en cada eventu llevar la tabla del total de medayes per país. De normal namái países reconocíos son representaos nos Xuegos, pero hai delles esceiciones. Por casu, Taiwán participa sol nome de China Taipéi, pa evitar el discutiniu de la independencia taiwanesa. En 2016 los Xuegos lleváronse a cabu en Rio de Janeiro (Brasil).