1964 Avroviziya Mahnı Müsabiqəsi
From Wikipedia, the free encyclopedia
1964 Avroviziya Mahnı Müsabiqəsi (ing. Eurovision Song Contest 1964; fr. Concours Eurovision de la chanson 1964) — sayca 9-cu Avroviziya Mahnı Müsabiqəsidir. Qrete İnqmann və Yörqen İnqmann duetinin ifa etdikləri "Dansevise" adlı mahnı ilə 1963 Avroviziya Mahnı Müsabiqəsində qələbə qazanan Danimarka 1964-cü ildə müsabiqəyə ev sahibliyi etmək hüququ qazanmışdı. Müsabiqə ölkənin paytaxtı Kopenhagen şəhərində Tivolis konsert zalında keçirilmişdir. Müsabiqə 1964-cü ilin 21 mart tarixində baş tutmuşdur.
1964 Avroviziya Mahnı Müsabiqəsi | |
---|---|
Final | 21 mart 1963 |
Aparıcı(lar) | Lotte Vaver |
Kanal | DR |
Keçirilən yer | Tivolis konsert zalı, Kopenhagen, Danimarka |
Qalib mahnı | İtaliya "Non ho l'età" |
Seçki sistemi | 10 nəfərdən təşkil olunmuş münsif heyəti bəyəndiyi 3 favorit mahnıya 5, 3 və 1 xal verə bilirdi |
İştirakçıların sayı | 16 |
İlk dəfə iştirak edən ölkələr | Portuqaliya |
İştirakdan imtina edən ölkələr | İsveç |
İştirakçı xəritəsi
İştirak edən ölkələr İştirakdan imtina edən ölkələr | |
Avroviziya Mahnı Müsabiqəsi | |
◄ 1963 1965 ► |
1964-cü ildə Portuqaliya Avroviziyaya ilk dəfə qoşuldu və İsveç isə müsabiqədə iştirakdan imtina etdi. 16 ölkənin iştirak etdiyi müsabiqədə İtaliya təmsilçisi Cilyola Çinkvetti ifa etdiyi "Non ho l'età" mahnısı ilə ən çox səs toplayaraq, Avroviziya 1964-ün qalibi olmuşdur. Bu İtaliyanın Avroviziyada ilk qalibiyyəti idi.