Birləşmiş Ərəb Əmirlikləri iqtisadiyyatı
From Wikipedia, the free encyclopedia
Birləşmiş Ərəb Əmirlikləri iqtisadiyyatında neft yataqlarının kəşfinə qədər Dubay və ondan bir qədər geridə qalan Şərca, başlıca yer tuturdular. Bu ilk növbədə onların mirvari və digər dəniz məhsullarının satışında Qərb ölkələri məhsullarının tranzit daşınmasında özünü göstərirdi. İkinci Dünya müharibəsindən sonrakı illərdə qaçaq mal ticarəti Dubay üçün əsas gəlir mənbəyi olmuşdur. Avropadan gətirilən zərgərlik məmulatları, saat, elektrik məişət məhsulları bu əmirliyin ərazisindən gizli olaraq Cənub və Cənub-Şərqi Asiya ölkələrinə, həmin ölkələrdən isə Avropaya qiymətli daşqaş və müxtəlif metallar daşınırdı. Həmin vaxtlar neft Dubay üçün ikinci dərəcəli gəlir mənbəyi hesab edilirdi. Dubaydan fərqli olaraq Abu-Dabi əmirliyi isə neft yataqları kəşfinə qədər kasıbçılıq içərisində yaşayırdı.
Birləşmiş Ərəb Əmirlikləri iqtisadiyyatı | |
---|---|
| |
Statistika | |
ÜDM | 382.575.085.091,9 $[1] |
Adambaşına düşən ÜDM | 40.698 $[2] |
İnflyasiya (İQİ) | 1,8 ± 0,1 %[3] |
Əksi qeyd olunmayıbsa, bütün məlumatlar ABŞ dolları ilədir. |