Gustav Mahler
österreichischer Komponist und Dirigent / From Wikipedia, the free encyclopedia
Da Gustav Mahler (* 7. Juli 1860 z Kalischt, Behmen; † 18. Mai 1911 z Wean) wor a östareichischa Komponist vo da Spodromantik. Ea wor aa a berihmta Dirigent und Opandirektor. Seine wichtigstn Kompositiona san Sinfonien und Liada.
Da Mahler kimmt aus ana jidischn Famij, hod scho ois Kind Musitalent zoagt und hod anno 1878 as Weana Konservatorium owgschlossn. Weng seina jidischn Heakunft is a in Wean imma wieda ogfeindt worn. In seim Haptberuaf wor a Dirigent und Opandirektor, komponiad hod a nua in Teizeid. Desweng is sei Weak aa ned so umfangreich. Ea wor Direktor vo da Weana Hofoper und spoda aa vo da Metropolitan Opera in da Stod Nei York. Seine Kompositiona san a Ibagang vo da Romantik in de Modeana vom 20. Joarhundad.