Photographischs Liacht
From Wikipedia, the free encyclopedia
S' Liacht is scho ois Wortursprung s' ois Entscheidende in da Photographie. In dem Zsammhang ko mas unta am Haffa vo Gsichtspunkt eiteiln.
Der Artikl is im Dialekt Obaboarisch gschriem worn. |
S' Liacht is dea Teil vo de elektromagnetischn Strahln, den da Mensch mim Aug seng ko. A de meistn photographischn Vafahrn benutzn den gleichn Anteil aus da Strahlung, oafach, wei ma Buidl mecht, de so ausschaung, wias da Photograph sejba wahrgnumma hod. Photographisch intressant han aba a anderne Bereiche vo Strahlung, in da künstlerischn Photographie hod vor allem s' nahe Infrarot a Bedeitung, fia wissenschaftliche Aufnahma a as ferne Infrarot, as Ultraviolet und'd Röntgenstrahlung. Streng gnumma is des ois koa Photographie, wei des Wort bziagt se ja aufs Liacht und domid auf an sichtbarn Teil vo da Strahlung.