Лівэрпул
горад у Вялікабрытаніі / From Wikipedia, the free encyclopedia
Лівэрпу́л (па-ангельску: Liverpool) — горад у Вялікабрытаніі, у графстве Мэрсісайд, порт на паўночна-заходнім узьбярэжжы Ангельшчыны. Насельніцтва на 2021 год складала 486 100 чалавек. Разам з прадмесьцямі лівэрпульская аглямэрацыя займае пяты радок паводле колькасьці насельніцтва, сягаючы да 2,24 млн чалавек[1]. Статус пасяленьня Лівэрпул атрымаў у 1207 годзе, а статус гораду быў набыты ў 1880 годзе. Рост гораду атасамляўся з разьвіцьцём порту падчас Індустрыяльнай рэвалюцыі. Поруч з рознымі грузамі, у тым ліку сыравіны, як то вугаль і бавоўна, мяцовыя гандляры бралі ўдзел ў гандлі рабамі. У XIX стагодзьдзі Лівэрпул быў галоўным портам выпраўленьня ангельскіх і ірляндзкіх эмігрантаў у Паўночную Амэрыку. Тут адбыўся спуск на воду двух знакамітых лайнэраў — «Тытаніка» і «Брытаніка».
Лівэрпул | |||||
анг. Liverpool | |||||
| |||||
Дата заснаваньня: | 1207 | ||||
Краіна: | Вялікабрытанія | ||||
Рэгіён: | Ангельшчына | ||||
Графства: | Мэрсісайд | ||||
Кіраўнік: | Джаан Андэрсан[d] | ||||
Плошча: |
| ||||
Насельніцтва: |
| ||||
Тэлефонны код: | 151 | ||||
Паштовы індэкс: | L | ||||
Геаграфічныя каардынаты: | 53°24′27″ пн. ш. 2°59′31″ з. д. | ||||
Лівэрпул | |||||
Галерэя здымкаў у Вікісховішчы | |||||
http://www.liverpool.gov.uk/ |
У 2019 годзе Лівэрпул стаў пятым паводле наведваньня горадам Вялікабрытаніі[2]. Ён вылучаецца сваёй культурай, архітэктурай і транспартным злучэньнем. Горад цесна зьвязаны з мастацтвам, асабліва музыкай. Папулярнасьць Бітлз, які лічыцца адным з самых уплывовых гуртоў у сьвеце, падвысіла цікавасьць да гораду сярод турыстаў[3]. У горадзе месьцяцца дзьве вядомыя футбольныя каманды, удзельнікі ангельскай Прэм’ер-лігі — «Лівэрпул» і «Эвэртан». Матчы паміж імі маюць назоў Мэрсісайдзкае дэрбі. Лівэрпул таксама ёсьць месцам найстарэйшай мурынскай дыяспарай у Вялікабрытаніі і найстарэйшай кітайскай дыяспарай у Эўропы.